Atrakshonnan akuátiko den fakansi! ‘Summer Splash’ grátis pa muchanan na Renaissance Mall & Rif Fort djasabra awor

 

Atrakshonnan akuátiko den fakansi!

‘Summer Splash’ grátis pa muchanan na Renaissance Mall & Rif Fort djasabra awor

 

WILLEMSTAD –  Fakansi a kuminsá i Renaissance Mall & Rif Fort ta kontentu di por invitá muchanan na e promé ‘Summer Splash’ djasabra awor dia 10 di yüli. Lo tin atrakshon akuátiko grátis pa muchanan di entre 2 i 12 aña di edat. Tambe lo tin stènt di pòpkòrn i suku na unda ku mayornan por kumpra algu di smak pa e muchanan. Pa 4’or di atardi lo tin un presentashon di Grupo di Baile Season Dancers Club. Mayornan por bishitá ‘Summer Splash’ na e área di fòntein entre 10’or di mainta i 6’or di atardi ku nan yunan. Ta enfatisá ku uso di e atrakshonnan akuátiko durante ‘Summer Splash’  ta grátis pa tur mucha! Un oportunidat dibertido pa baha kalor i pasa un ratu den famia.  

 

Tambe ta kòrda tur mayor riba e programa spesialmente dediká na famia. E asina yamá ‘Kids R VIP’ ta manera un bónus e temporada di fakansi benidero. Un programa spesialmente pa mucha te ku 12 aña. Muchanan ta keda grátis den kamber huntu ku nan mayornan, òf 2 adulto. E programa ta permití un máksimo di 2 mucha i 2 adulto. Muchanan ta kome grátis for di e “kids menu” durante di nan estadia i nan ta risibí un regalo i un foyeto na momentu di check-in ku diferente kupòn di deskuento i artíkulonan grátis di e partnernan den e ‘Kids R VIP’. Ta e intenshon pa e mucha disfrutá di un fakansi na su mes isla, ta p’esei mes e partnernan ku ta partisipá den e programa ta sumamente atraktivo i dibertido. Esakinan ta; Dolphin Encounter Child Program, un Safari Tour, Irie Tours, Children’s Museum Curaçao, Dundu Tours, Ostrich Farm, Chichi Curaçao i mas. Tambe tin diferente benefisio pa e muchanan, por ehèmpel eiskrim grátis na Infinity Beach Club, Pòpkòrn grátis na The Movies Otrobanda i mas. Asina tambe tin partnernan ku ta duna benefisio na henter famia, manera deskuento pa famia na Starbucks, i deskuento riba tratamentu di spa na Natural Blends Esthetics. E ‘Kids R VIP’ ta bálido te ku dia 30 di sèptèmber, 2021. Por yama 435.5000 òf email reservations@curacaorenaissance.com pa informashon i reservashon.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: