Detenshon di kuater hòmber sospechoso

 

KOMUNIKADO DI PRENSA 250 / 2021
9 yüli 2021
Detenshon di kuater hòmber sospechoso
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djabièrnè 9 di yüli 2021, alrededor di 03.37’or, Sentral di Polis a risibí notifikashon di
un kaso di bringamentu riba un lugá pa stashona outo di un diskotèk den Saliña.
Na yegada di e unidat polisial ya e situashon a kalma pero tur dos partido tabata den
nan vehíkulo sintá.
Polis a kuminsá ku investigashon i den un di e vehíkulonan a haña i konfiská un arma
di kandela. Den e otro vehíkulo a haña 13 bala skèrpi. Na e sitio a detené shofúr i
okupantenan di e dos vehíkulonan. Ta trata di e hòmbernan sospechoso:
 M.P.R. nasé na Hulanda di 20 aña di edat;
 I.R.K. nasé na Repúblika Dominicana di 19 aña di edat;
 M.A.R.F. nasé na Kòrsou di 19 aña di edat;
 I.Y.J.R. nasé na Kòrsou di 25 aña di edat.
A presentá e sospechosonan dilanti di un fiskal ouksiliar, ku a ordená nan
enkarselamentu pendiente di mas investigashon.

This site uses Akismet to reduce spam. Learn how your comment data is processed.

%d bloggers like this: