PLAYA FÒRN’I KALKI LO KEDA AKSESIBEL I PÒRNADA PA TUR BISHITANTE PLAYA FÒRN’I KALKI TOEGANKELIJK EN GRATIS VOOR ALLE BEZOEKERS

PLAYA FÒRN’I KALKI LO KEDA AKSESIBEL I PÒRNADA PA TUR BISHITANTE 

 

Kralendijk – Entidat Publiko Boneiru kier enfatisá ku Playa Fòrn’i Kalki (Bachelor Beach) ta i lo keda aksesibel ku entrada pòrnada pa tur bishitante. Djabièrnè dia 1 di yüli, den un forma virtual, diputadonan James Kroon i Hennyson Thielman, a revelá desaroyo di Playa Fòrn’i Kalki riba página di Facebook di Gobièrnu di Boneiru. 

 

Manera ta kustumber e posibilidat pa bo por bai ku bo mes refresko i kos di kome ta keda posibel na e bich. E bich ta unu públiko pues lo no por limitá ningun persona pa bini ku nan mes kosnan. Ku e diseño nobo kier hasi posibel ku bo por kumpra algu di kome of hür ekipo si bo ta deseá esaki. 

 

A  tene kuenta ku tur edat i gremio ku diseño di e bich. Lo bai tin entre otro un parke di hunga pa nos muchanan por dibertí nan mes i un trapi mas mihó i seif pa baha na e playa. Kiosko kaminda empresarionan lokal por bende nan produktonan i/òf hür ekiponan akuátiko. Es desir, un área multifunshonal kaminda bishitantenan por kumpra kos di kome i bebe, hasi uso di mesa di piknik i un edifisio ku fasilidat di baño i kaminda bo por kambia paña despues di un dia largu na bich.

 

“Ta importante pa desaroyo ekonómiko di nos isla pa krea posibilidat na nos lokalnan prosperá. P’esei ku e diseño pa Playa Fòrn’i Kalki nos kier duna eksklusivamente nos empresarionan lokal oportunidat pa bende nan servisio òf produktonan. Nos vishon ta pa krea un eksperiensia úniko i eksponé loke nos komo boneriano tin di ofresé na nos bishitantenan. Klaramente pa bo por hasi esaki bo mester ta empresario establesé na Boneiru i inskribí na Kamara di Komèrsio”, segun diputado di desaroyo ekonómiko i turismo Hennyson Thielman.

 

Pa hür kiosko òf okupá áreanan na e bich lo habri un destaho kaminda empresarionan lokal por entrega nan ideanan ku nan tin pa bich. Fecha di esaki lo keda anunsiá despues pa medio di e kanalnan di Entidat Públiko Boneiru.

 

Partnernan stratégiko involví den desaroyo di Playa Fòrn’i Kalki ta Tourism Corporation Bonaire (TCB), Telbo i e arkitekto lokal sr Gino Obersi. TCB ta bai keda responsabel pa  maneho di e bich. Di e forma aki nos por garantisá ku e laman ta keda pa públiko i lo risibí konstantemente fondonan nesesario pa mantenshon di e bich. E otro partner stratégiko den desaroyo di e bich aki ta Telbo. Huntu ku Telbo ta bai sòru pa brinda konekshon di internet high speed pa asina bishitantenan di e bich por keda konektá.

 

Un partner stratégiko mas ta e arkitekto. Un arkitekto boneriano ku ta komprondé nos estilo i nesesidatnan di nos komo boneriano a hasi diseño di e bich. Manera ta kustumber e posibilidat pa bo por bai ku bo mes refresko i kos di kome ta keda. Lo no limitá ningun persona pa bini ku nan mes kosnan. E bich ta i lo keda un sitio públiko.

 

E diseño nobo lo bai hasi e bich mas aksesibel, mas organisá i mas bunita. Un di e aspektonan di mas importante den e totalidat aki ta mantenshon di e bich. Entidat Públiko Boneiru ta sumamente konsiente ku mester mantené e aspektonan natural i úniko di e bich i ta  garantisá ku esakinan lo keda intakto. E bich ta i lo keda grátis i aksesibel pa públiko i lo risibí un facelift pa nos lokalnan i bishitantenan. 

 

 

 

PLAYA FÒRN’I KALKI TOEGANKELIJK EN GRATIS VOOR ALLE BEZOEKERS

 

Kralendijk – Het openbaar lichaam Bonaire benadrukt dat Playa Fòrn’i Kalki (Bachelor Beach) gratis toegankelijk is en blijft voor alle bezoekers. Op vrijdag 1 juli hebben de gedeputeerden James Kroon en Hennyson Thielman op virtuele wijze op de Facebook-pagina van het openbaar lichaam Bonaire de ontwikkeling van Playa Fòrn’i Kalki bekend gemaakt.

 

Zoals het gebruikelijk was, blijft het mogelijk om met je eigen eten en drinken naar het strand te gaan. Het strand is openbaar en dus zullen er geen beperkingen zijn v.w.b. het meebrengen van eigen consumptie. Het nieuwe ontwerp maakt het ook mogelijk om iets te eten of te drinken te kopen of strandspullen te huren als mensen dit willen.

 

Bij het ontwerp is rekening gehouden met alle leeftijden en groeperingen. Er komt onder andere een speelplek waar kinderen zich kunnen vermaken en een betere en veiliger trap naar het strand. Kiosken waar lokale ondernemers hun producten kunnen verkopen en/of watersportspullen verhuren. Met andere woorden, een multifunctioneel strand waar bezoekers iets te eten en te drinken kunnen kopen en gebruik kunnen maken van picknicktafels en met een gebouw met douche en toiletten en waar je je kan omkleden na een lange dag op het strand.

 

‘Het is belangrijk voor de economische ontwikkeling van ons eiland om mogelijkheden te creëren voor onze lokale mensen om vooruit te komen. Daarom willen wij met het ontwerp van Playa Fòrn’i Kalki exclusief onze lokale ondernemers de kans geven om hun diensten of producten aan te bieden. Onze visie is om een unieke ervaring te creëren en te laten zien wat wij als Bonairianen onze bezoekers te bieden hebben. Het moge duidelijk zijn dat om dit te doen je een op Bonaire gevestigde ondernemer moet zijn en ingeschreven bij de Kamer van Koophandel’, aldus de gedeputeerde van economische ontwikkeling en toerisme Hennyson Thielman.

 

Om kiosken te huren of op bepaalde plekken te staan op het strand komt er een aanbesteding waar lokale ondernemers hun ideeën voor het strand kunnen indienen. De datum hiervoor wordt later aangekondigd via de kanalen van het Openbaar Lichaam Bonaire.

 

De strategische partners die betrokken zijn bij de ontwikkeling van Playa Fòrn’i Kalki zijn de Tourism Corporation Bonaire (TCB), Telbo en de lokale architect Gino Obersi. De TCB blijft verantwoordelijk voor het beheer van het strand. Op deze manier kunnen wij garanderen dat het een openbaar strand blijft en zullen er constant fondsen beschikbaar zijn voor het onderhoud van het strand. De andere strategische partner voor de ontwikkeling van het strand is Telbo. Samen met Telbo wordt gezorgd voor een gratis high speed internetverbinding zodat bezoekers van het strand verbonden kunnen blijven.

 

Een andere strategische partner is de architect. Een Bonairiaanse architect die onze stijl en behoeften begrijpt, heeft het strand ontworpen. Zoals al gebruikelijk was, blijft de mogelijkheid om met je eigen eten en drinken te komen. Hierin zullen geen beperkingen komen. Het strand is en blijft een openbare plek.

 

Het nieuwe ontwerp maakt het strand toegankelijker, beter georganiseerd en mooier. Eén van de belangrijkste aspecten van dit alles is het onderhoud van het strand. Het Openbaar Lichaam Bonaire is zich er zeer van bewust dat de natuurlijke en unieke aspecten behouden moeten blijven en garandeert dan ook dat deze intact zullen blijven. Het strand is en blijft gratis toegankelijk voor het publiek en krijgt een facelift ten behoeve van onze inwoners en onze bezoekers.