Detenshon pa violashon di lei di arma di kandela.

 

KOMUNIKADO DI PRENSA 253 / 2021
10 yüli 2021
Detenshon pa violashon di lei di arma di kandela.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djabièrnè dia 9 di yüli 2021, alrededor di 21.00’or durante di un kontrol di e tim enkargá ku
kontrolnan relashoná ku aglomerashon i medidanan di Covid-19, a hasi un detenshon di un
hòmber pa posishon ilegal di arma di kandela.
Durante di kontrol na un snèk den área di Veeris, un di e unidatnan di e tim aki, a bin nota
dos hòmber ku tabata bayendo direkshon di un outo.
Na momentu ku nan a nota presensia di polis, nan a kuminsá aktua di forma sospechoso, ku
tabata motibu pa a someté nan na un kontrol.
E hòmber sospechoso R.A.M.P di 21 aña di edat nase na Colombia tabata den posishon di
un arma di kandela ku a keda konfiská.
Durante di kontrol den e vehíkulo a bin topa dos saku di plèstik konteniendo un kantidat
limitá di mariwana, ku tambe polis a konfiská.
A detené e sospechoso alrededor di 21.10’or i prensent’é dilanti di un fiskal ouksiliar ku a
ordená su enkarselasmentu pendiente di mas investigashon.
Kontinuando ku e investigashon den e kaso aki, alrededor di 23.45’or, polis a tene un
entrada hudisial na kas di e sospechoso den Kaya Sol.
Akinan a bin enkontraá den un kamber 17 bala skèrpi i 4 bala di skopèt di yag i un saku di
plèstik konteniendo mariwana.
Tur a keda konfiská.