Minister van Heydoorn ta felisitá nos atleta hóben Matthew Sophia

Minister van Heydoorn ta felisitá nos atleta hóben Matthew Sophia

WILLEMSTAD – Minister di Enseñansa, Siensia, Kultura i Deporte sr. Sithree “Cey” van Heydoorn ta felisitá Matthew Sophia ku a sa di gana media di plata den e kompetensia di atletismo riba e disiplina di kareda ku obstákulo (110m Hurdle). Nos hóben Mathew Sophia a partisipá na e kompetensia den e ramo di deporte di atletismo na e kampionato Oropeo U-20 na e suidat di Estonia, Tallinn (European U20 Championships Tallinn 2021).
Den e kompetensia di atletismo nos tin vários atleta ku ta sobresalí. Nos hóbennan ta destaka di forma eksepshonal i ta representá nos dushi pais dignamante. Matthew Sophia a bin ta profilá bon den atletismo i Matthew a duna un tremendo presentashon den e tim di The Glory Runners. Federashon di atletismo ta sumamente aktivo i ta stimulá e deporte di atletismo enormemente. Pesei Matthew Sophia nasé na Kòrsou riba 17 desèmber 2003 no ta deskonosí pa nan. E hóben prometedor aki a keda di trein i motivá pa nos mes hendenan. Matthew Sophia a partisipá na diferente atividat lokal pa ku atletismo aki na Kòrsou. E talentoso yu di Kòrsou aki a biaha pa Hulanda kaminda e a bai pa representá Hulanda den diferentre torneo i kompetensia.
Pa mas informashon internashonal por bishitá;
https://european-athletics.com/…/european-athletics-u20…. i bishitá aki pa tuma nota di e kareda: Kareda 100m Hurdle U-20 Kampionato Oropeo
Den e kampionato Oropeo ku kategoria U-20 e a sa di konkistá e di dos lugá den e disiplina di kareda ku obstákulo (110m Hurdle). Pesei komo Minister enkarga ku deporte sr. Sithree “Cey” van Heydoorn ta sumamente kontentu i ta felisitá nos Federashon di Atletismo pero en espeshal e tim di The Glory Runners i Matthew Sophia ku e logro aki.
Pabien Kòrsou nos ta orguyoso di nos mes hendenan!
—
Sithree “Cey” van Heydoorn
Minister di Enseñansa, Siensia, Kultura i Deporte