Dorothy Pietersz-Janga E mundu akí ta unu nos tin di dje, p’esei ta importante pa nos kuid’é.

Dorothy Pietersz-Janga

E mundu akí ta unu nos tin di dje, p’esei ta importante pa nos kuid’é.

20 Yuli 2021 den presensia di mi koleganan i represetante di Coca Cola Sra. Myrthe George-Verhulst mi tabatin e honor di boutisá e barínan pa resiklá plèstik i bleki den e “Green Corner” di nos edifisio na Colon.
Nos por mira últimamente ku uso di plèstik ta afektando nos medio ambiente di forma severo. Esaki lo no tin konsekuensia pa nos medio ambiente so, si no pa nos propio salú tambe.
Komo entidat responsabel pa salú, medio ambiente i naturalesa di nos isla, GMN tambe ta dal e stap komo ‘Green Setter” resiklando tur sushi di plèstik i bleki usá den nos edifisionan.
Asina nos tambe ta duna kontribushon na nos medio ambiente ku bista pa e futuro di un Kòrsou bèrdè ku menos polushon.
Na final tantu mi persona komo Sra. George Verhulst a risibí di Sharnardelle Martinus di e tim di “Milieu, Natuur Beheer” (MBN), un pòchi di tera fértil i simia pa planta. Esaki komo símbolo di nos esfuersonan chikitu ku un dia lo resultá den un kresementu duradero meskos ku un mata.
Kon abo tambe por aportá ?
Aki mi ta laga algun tep :
1. Usa bo propio bòter di awa reusabel
2. Usa bo propio kòpi pa bebe kòfi/te
3. Pone bo kuminda den baki reusabel
4. Evitá di usa pipa i bestèk di plèstik
5. Evitá uso di saku di plèstik
6. Konservá sobrá di kuminda den bakinan reusabel.
Ban pone mannan huntu pa un Kòrsou mas limpi.
Laga nos ta ‘Green Setters”.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: