Minister di Hustisia a bai tuma nota di e hayasgo di 1400 kilo di kokaina ku a keda interseptá pa Kustwacht / Marine
Minister di Hustisia a bai tuma nota di e hayasgo di 1400 kilo di kokaina ku a keda interseptá pa Kustwacht / Marine
Geplaatst op 13 August 2021 dor di Ministerio Asuntunan General i Promé Minister
WILLEMSTAD – Riba djaweps anochi 12 di ougùstùs, Promé Minister / Minister di Hustisia sr. Gilmar Pisas tabata presente na Marine Basis Parera pa por a tuma nota di e gran hayasgo ku personal di Kustwacht / Marine a interseptá riba laman.
Tabata trata aki di 11 persona ku kier a drenta Kòrsou di un forma ilegal for di Venezuela i alabes a bin haña un kargamentu di mas o ménos 1400 kilo di kokaina huntu ku nan riba e barku. Esaki sigur tabata un bon trabou di parti di nos personal di Kustwacht / Marine huntu ku personal di Polis i Imigrashon ku tabata tei pa registrá tur e personanan akí. Personal di Ministerio di Salubridat Públiko, Medio Ambiente i Naturalesa tambe tabata presente pa mesora hasi tèst riba e vírùs di COVID-19.
Promé Minister / Minister di Hustisia Pisas ta aploudí e tremendo trabou di parti di personal di Kustwacht, Marine, Polis, Imigrashon i GMN.