Kiko konkreto miembro di Parlamento Brownbill ta hasi pa atendé ku e lei pa atendé telekomunikashon?
Kiko konkreto miembro di Parlamento Brownbill ta hasi pa atendé ku e lei pa atendé telekomunikashon?
Partido Inovashon Nashonal (PIN) a tuma nota ku despues di ekspresá nos preokupashon grandi dia 1e di ougùstùs último den un komunikado, ku e petishon urgente pa aselerá e proseso pa introdusí e lei pa atendé telekomunikashon, e miembro di staten pa partido MFK, sr. Ferghino Brownbill, a siguí nos petishon i a ekspresá ku mester atendé ku e lei.
Sinembargo ta importante pa pueblo haña klaridat riba e sigiente puntonan.
- Kiko ta e pasonan ku e komo miembro di parlamento lo tuma mirando ku na e momentunan aki e konsepto di lèi i ta wanta na departamentu di asuntunan huridiko?
- Staten ta pone un fecha pa trata e lèi aki?
- Staten lo verifiká ku BTP lo ta prepará pa implementa e lèi aki ora e pasa?
- Staten lo inisiá e kontakto ku Minister di VVRP pa deliberá riba e maneho di telekomunikashon?
PIN ta di opinion ku staten tin ku uza tur rekurso ku e tin pa aselerá e proseso pa e lei aki por ta kla mas pronto posibel i asina duna BTP e outoridat pa por atendé ku e servisio defisiente ku tin di internet. Pueblo no por siguí sin ku e servisio importantante aki ta na nivel. Mas awor ku e pandemia di Covid tin nos tur obligá pa hasi mas uso di internet ku nunka promé!