NOS SELEKSHON NASHONAL DI DAMA KATEGORIA U-14 LO BIAHA PA REPÚBLIKA DOMINIKANA PA PARTISIPÁ NA E CFU 2021 GIRLS’ U-14 CHALLENGE SERIES!

NOS SELEKSHON NASHONAL DI DAMA KATEGORIA U-14

LO BIAHA PA REPÚBLIKA DOMINIKANA PA PARTISIPÁ NA

E CFU 2021 GIRLS’ U-14 CHALLENGE SERIES!

 

 

Preparashonnan ta kanando den ful swing pa nos selekshon nashonal di dama kategoria U-14 sali proksimamente pa Repúblika Dominikana pa partisipá na e CFU 2021 Girls’ U-14 Challenge Series ku lo tuma lugá di 22 pa 29 di ougùstùs binidero.

Un total di 11 pais den Karibe lo kompetí ku otro den e torneo aki. E paisnan aki ta lo siguiente; Grenada, Haiti, Jamaica, Puerto Rico, Aruba, Kòrsou, St Kitts & Nevis, St. Lucia, Turks & Caicos Islans, U.S Virgin Islands i naturalmente Repúblika Dominikana ku ta e anfitrion di e torneo aki.

 

Nos selekshon nashonal di dama U-14 tin algun siman ta prepará pa duna un bon bataya aya na Repúblika Dominikana. Tambe a bin un refuerso for di Hulanda p’asina fortalesé nos selekshon durante e torneo aki. Reyshelene Gerard a yega algun dia tras di lomba for di Hulanda i a djoìn nos selekshon nashonal di dama kategoria U-14. Reyshelene Gerard ta militá den e ekipo Sparta i e tambe, manera e sobrá hungadónan ku ta militá den diferente ekipo di dama aki na Kòrsou ta entrenando duru komo preparashon pa nan próksimo kompromisonan.

 

 

Skema di e CFU 2021 Girls’ U-14 Challenge Series

 

	Fecha	Orario	Tim di kas	Bishitante	Stadion
1	22 oug.21	3:30pm	Kòrsou	Turks & Caicos Island	Santa Fe Club
2	23 oug.21	5:30pm	Aruba	Kòrsou	Santa Fe Club
3	24 oug.21	1:30pm	Kòrsou	U.S. Virgin Island	Santa Fe Club
4	26 oug.21	5:30pm	Kòrsou	St Kitts & Nevis	Santa Fe Club
5	27 oug.21	3:30pm	St. Lucia	Kòrsou	Santa Fe Club

 

 

 

Nos selekshon nashonal di dama kategoria U-14 ta konsistí di un grupo di 18 hungadó ku ta wòrdu dirigí pa Sra. Gesiléne Kerindingo ku ta e entrenadó di e selekshon aki i yùfrou Shadé Desir ku ta e asistente di e entrenadó. Sra. Laicam How ta e masahista di e selekshon miéntras dòkter Fillet tambe lo kompañá e selekshon. Sr. Roderick Rojer ta esun enkargá ku e materialnan di e selekshon i e hefe di delegashon ta Sr. Urvin Faneijte, miembro di direktiva di FFK.

 

 

 

 

 

 

 

 

 

 

 

Nos selekshon ta konsistí di e siguiente hungadónan:

 

1. Shudiëntely Francisca (Subt)
2. Rashima Martis (Akademia dama)
3. Xiarleahmay Martis Nocento (Inter Willemstad)
4. Der-ëangely Pieters (Vesta)
5. Kaylin Sprok (Inter Willemstad)
6. Juriantely Mambre (Akademia dama)
7. Roshena Marc-Cius (Akademia dama)
8. Reyshelenne Gerard (Sparta, Rotterdam)
9. Thaíma Maximiliana (Inter Willemstad)
10. Jonaisha Fransina (Akademia dama)
11. Kingnanaichely Provance (Jong Holland)
12. Marianella Bentura (Akademia dama)
13. Sharvianthely Cijntje (Akademia dama)
14. Lisandra Daley (Akademia dama)
15. Ruwena Cristina (Undeba)
16. Arlizïenne Rodrigues de Amareira (Vesta)
17. Quishaina De Leeuw (Akademia dama)
18. Surshenety Rosinda (Akademia dama)

 

Preparashonnan ta kontinuá pa nos selekshon nashonal di dama kategoria U-14 su partisipashon na e CFU 2021 Girls’ U-14 Challenge Series.

 

Keda pendiente pa mas informashon…

16 ougùstùs 2021

Reyshelene Gerard na momentu di su yegada algun dia pasá…