NOS SELEKSHONNAN NASHONAL KATEGORIA U-14 TA NA REPÚBLIKA DOMINIKANA KOMPETIENDO DEN E CFU 2021 GIRLS’ & BOYS’ U-14 CHALLENGE SERIES!

NOS SELEKSHONNAN NASHONAL KATEGORIA U-14 TA NA REPÚBLIKA DOMINIKANA KOMPETIENDO DEN E CFU 2021 GIRLS’ & BOYS’ U-14 CHALLENGE SERIES!

 

 

Awe djamars 24 ougùstùs, nos selekshonnan nashonal di kategoria U-14 di tantu nos damanan i tambe nos mucha hòmbernan ta tin nan terser enkuentro den e torneo CFU 2021 Girls’ & Boys’ U-14 Challenge Series aya na Repúblika Dominikana. Ámbos selekshon ta bringando duru i ta dunando tur ku tin pa bai ku e triunfo den kada partido. Lamentablemente nos damanan a kai vensí durante nan enkuentronan miéntras nos mucha hòmbernan a pèrdè e promé pero gana e 2 otro partidonan di e torneo aki.

 

 

Resultadonan di e CFU 2021 Girls’ U-14 Challenge Series

 

	Fecha	Tim di kas	Bishitante	Resultado	Stadion
1	22 oug.21	Kòrsou	Turks & Caicos Island	0-2	Santa Fe Club
2	23 oug.21	Aruba	Kòrsou	6-0
3	24 oug.21	Kòrsou	U.S. Virgin Island	2-3

 

E golnan durante e partido di awe a keda anotá pa Xiarleahmay Martis Nocento i Thaíma Maximiliana.

 

 

Resultadonan di e CFU 2021 Boys’ U-14 Challenge Series

 

	Fecha	Tim di kas	Bishitante	Resultado	Stadion
1	22 oug.21	Kòrsou	Haiti	0-3	Feliz Sanchez Olympic Stadium
2	23 oug.21	Kòrsou	Repúblika Dominikana	3-1
3	24 oug.21	Grenada	Kòrsou	0-2

 

E golnan di e segundo enkuentro di nos a keda anotá pa Luigi Inesia (2x) i Stephen Hato miéntras ámbos gol den e partido di awe a keda anotá pa Gediel Vicento.

 

Mañan 25 di ougùstùs, ámbos selekshon lo tin un dia di sosiegu pa kontinuá ku e partidonan dia 26 ougùstùs 2021. FFK ta deseá tantu nos selekshon di dama kategoria U-14 i tambe nos selekshon di mucha hòmber kategoria U-14 éksito ku e sobrá partidonan di e CFU 2021 U-14 Challenge Series.

 

24 ougùstùs 2021