Entrada hudisial ku detenshon i konfiskashon.
KOMUNIKADO DI PRENSA 307/2021
30 ougùstùs 2021
Entrada hudisial ku detenshon i konfiskashon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 30 di ougùstùs 2021, entre di 05.30’or pa 08.30’or, e tim ku ta enkargá ku
kiebronan den area di Band’ariba a tene entrada hudisial na sinku (5) adrès, dos adrès na
Sudetenweg, Daimariweg, Sto. Domingoweg i Kaya Sakado.
E entradanan hudisial akí, ta relashoná ku un kaso di ladronisia ku a tuma lugá dia 23 di
ougùstùs 2021, na un agensia ku ta importá komestibel na Veeris.
Durante di e investigashon polis a detené dos (2) hòmber i un (1) dama.
Tambe a haña i a konfiská varios komestibel manera entre otro karni i keshi ku ta
prosedente di e ladronisia.
Ta trata di:
V.C.C., di 41 aña di edat
R.M.S., di 41 aña di edat
C.J.M., di 20 aña di edat, tur tres (3) nasé na Kòrsou.
A presentá e sospechosonan dilanti un fiskal ouksiliar ku a ordená nan enkarselamentu
pendiente di mas investigashon.