Gabinete Wever-Croes Sr. Ursell Arends: β€˜π—Ÿπ—’ π—¦π—œπ—šπ—¨π—œ 𝗗𝗨𝗑𝗔 π—–π—’π—‘π—§π—˜π—‘π—œπ——π—’ 𝗑𝗔 𝗧π—₯𝗔𝗕𝗒𝗨𝗑𝗔𝗑 π—›π—”π—–π—œ 𝗣𝗔 π—œπ—‘π—§π—˜π—šπ—₯π—œπ——π—”π—— 𝗦𝗒𝗕π—₯π—˜π—¦π—”π—Ÿπ—œ π——π—˜π—‘ π—˜ 𝗣π—₯π—’π—«π—œπ— π—’ 𝟰 𝗔𝗑̃𝗔𝗑𝗔𝗑’

 

Gabinete Wever-Croes

Sr. Ursell Arends:
β€˜π—Ÿπ—’ π—¦π—œπ—šπ—¨π—œ 𝗗𝗨𝗑𝗔 π—–π—’π—‘π—§π—˜π—‘π—œπ——π—’ 𝗑𝗔 𝗧π—₯𝗔𝗕𝗒𝗨𝗑𝗔𝗑 π—›π—”π—–π—œ 𝗣𝗔 π—œπ—‘π—§π—˜π—šπ—₯π—œπ——π—”π—— 𝗦𝗒𝗕π—₯π—˜π—¦π—”π—Ÿπ—œ π——π—˜π—‘ π—˜ 𝗣π—₯π—’π—«π—œπ— π—’ 𝟰 𝗔𝗑̃𝗔𝗑𝗔𝗑’
E siman aki diferente Minister a traspasa carternan na e personanan cu lo ta e proximo Ministernan encarga. Diaranson a toca turno di sr. Ursell Arends Lider di Partido Raiz, cu a ricibi e dosier di e cartera di Integridad for di Minister President Evelyn Wever – Croes.
Awe Aruba tin un Bureau Integriteit cu ta un departamento cu tin retonan y trabounan grandi pa garantisa integridad den e aparato publico.
β€˜Manera cu nos a wak e ultimo 4 aΓ±anan Minister President a lidera esaki y aworaki ami lo bay tin e oportunidad pa sigui duna esaki contenido, conhuntamente cu tur e profesionalnan cu a bin ta inverti nan tempo y creatividad pa haci esaki posibel caba’, sr. Arends a expresa.
Segun sr. Arends, unabes cu huramenta lo inicia cu trabounan pa percura pa
instalacion di e β€˜Integriteitskammer’. Ademas lo bay traha duro pa introduci e β€œcode of conduct/ integriteitsbeleid” den e aparato publico pa e ambtenaar y tambe na nivel di Minister.
β€˜Pueblo ta spera esaki di nos y di e forma aki nos por ta un ehempel pa henter e comunidad’.
Durante di e ultimo aΓ±anan tareanan grandi a wordo haci, e fundeshi a wordo traha caba pa integridad por wordo duna e prioridad y urgencia cu e merece. Esaki ta loke nos ta compromete nos mes na comunidad, cu den e proximo 4 aΓ±anan como Minister di integridad nos lo sigui duna esaki contenido pa asina aki mustra pueblo cu loke cu a wordo haci lo sigui haya e atencion debido pa asina integridad sobresali den e proximo 4 aΓ±anan un bes mas,’ sr. Arends a termina bisando.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: