Prome Minister Evelyn Wever-Croes: 𝗣π—₯π—’π— π—˜ π— π—œπ—‘π—œπ—¦π—§π—˜π—₯ 𝗔 π—”π—¦π—œπ—¦π—§π—œ 𝗑𝗔 π—–π—’π—‘π—™π—˜π—₯π—˜π—‘π—–π—œπ—” π——π—œ 𝗙𝗧𝗔 π—₯π—œπ—•π—” π—§π—˜π— π—” π——π—œ π—™π—Ÿπ—˜π—«π—œπ—•π—œπ—Ÿπ—œπ—¦π—”π—–π—œπ—’π—‘ π—Ÿπ—”π—•π—’π—₯π—”π—Ÿ

Gabinete Wever-Croes
Prome Minister Evelyn Wever-Croes:
𝗣π—₯π—’π— π—˜ π— π—œπ—‘π—œπ—¦π—§π—˜π—₯ 𝗔 π—”π—¦π—œπ—¦π—§π—œ 𝗑𝗔 π—–π—’π—‘π—™π—˜π—₯π—˜π—‘π—–π—œπ—” π——π—œ 𝗙𝗧𝗔 π—₯π—œπ—•π—” π—§π—˜π— π—” π——π—œ π—™π—Ÿπ—˜π—«π—œπ—•π—œπ—Ÿπ—œπ—¦π—”π—–π—œπ—’π—‘ π—Ÿπ—”π—•π—’π—₯π—”π—Ÿ
Diaranson 15 di september, Prome Minister Evelyn Wever-Croes a asisti na e apertura di e conferencia di FTA. E tema di e Conferencia ta β€˜Flexibilisacion di nos leynan laboral’. Na e ocasion oradornan a comparti nan vision riba e tema y a indica e riesgonan cu mester tene cuenta cu ne y tambe a indica condicionnan cu mester ta na luga pa por tin un flexibilisacion exitoso.
Un aΓ±a y mey pasa e pandemia a bati na nos porta y henter comunidad mester a hala faha mara. Sinembargo, e clase trahado, especialmente esun den e sector di horeca, ta esun mas afecta. E clase trahado a haci hopi sacrificio y mester a custuma cu hopi cambio den bida, trabou y tal ves un mas cu otro.
Como parti di implementation di e β€œlandspakket uitvoeringsagenda”, a acorda cu Hulanda cu lo conduci un analisis integral di leynan relaciona cu e sector laboral na Aruba. E obhetivo di e analisi aki ta pa facilita e proceso di decision cu mester tuma luga den cuadro di actualisacion y modernisacion di e mercado laboral di Aruba.
Segun Prome Minister a splica, un flexibilisacion riba e mercado laboral cu ta pone e posicion di e trahado, su siguridad y/of su entrada na riesgo, no ta e flexibilisacion cu ta buscando.
Al contrario, e flexibilisacion cu ta buscando ta uno caminda cu e empleado ta mas flexibel pa atende mas trabou caminda cu tin cambionan cu ta bin, pero semper teniendo cuenta cu e derecho di e trahado y su proteccion.
Por ultimo Premier den nomber di Gobierno di Aruba, a expresa su graditud na tur trahado pa e aporte/ sacrificio cu nan a haci pa Aruba por a cuminsa sali for di e crisis.
β€œAwo nos ta wak nos dilanti retonan grandi, pero na mes momento tambe recuperacion. Si tur cos bay bon, pa december nos lo ta cerando aΓ±a cu recuperacion di nos turismo di entre 70% – 80% cual ta hopi bon. Aworakinan Aruba ta conta riba cada un di nos pa por logra recupera. Y mi ta pidi pa ban haci esaki hunto. Mi ta felicita FTA pa tuma e topico y organisa un conferencia rond di dje y mi ta desea tur participante hopi exito den e dianan di conferncia,’ Prome Minister Wever-Croes a termina bisando

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: