𝗣𝗿𝗼𝗺𝗲 π— π—Άπ—»π—Άπ˜€π˜π—²π—Ώ π—˜π˜ƒπ—²π—Ήπ˜†π—» π—ͺπ—²π˜ƒπ—²π—Ώ-π—–π—Ώπ—Όπ—²π˜€: π—–π—’π—‘π—¦π—˜π—›π—’ π——π—œ π— π—œπ—‘π—œπ—¦π—§π—˜π—₯ π——π—œ π—₯π—˜π—œπ—‘π—’

 

Gabinete Wever-Croes

𝗣𝗿𝗼𝗺𝗲 π— π—Άπ—»π—Άπ˜€π˜π—²π—Ώ π—˜π˜ƒπ—²π—Ήπ˜†π—» π—ͺπ—²π˜ƒπ—²π—Ώ-π—–π—Ώπ—Όπ—²π˜€:
π—–π—’π—‘π—¦π—˜π—›π—’ π——π—œ π— π—œπ—‘π—œπ—¦π—§π—˜π—₯ π——π—œ π—₯π—˜π—œπ—‘π—’
Riba agenda di Conseho di Minister di Reino di diabierna 24 september, tabata tin e punto di agenda di e sosten di likides pa Aruba pa lunanan oktober te cu december di 2021. Lamentablemente Caft a yega na e conclusion cu Aruba no mester haya sosten di likides mas.
Un punto crucial cu ta hunga un rol e biaha aki ta e hecho cu Aruba, apesar di tur esfuerso, no a logra corta 60 miyon florin den cuido di salud den e aΓ±a aki, manera Hulanda ta exigiendo, pero ta logra corta 40 miyon. Aruba no ta di acuerdo cu ponencia aki, pasobra esaki no ta posibel den un aΓ±a di pandemia, pero asina mes Aruba ta logra corta 40 miyon florin si.
Prome Minister Evelyn Wever-Croes den un reunion cu Secretario di Estado demisionario Raymond Knops e siman aki, a indica cu ta apenas e siman aki e gobierno nobo a huramenta y pues ta apenas awor tin mandato pa por actua. Y e Prome Minister di Aruba a pidi tempo na Hulanda pa por atende cu e puntonan cu Caft ta seΓ±ala.
A keda palabra cu e peticion pa sosten di likides di Aruba pa e lunanan di oktober, november y december, lo wordo posponi pa e siguiente reunion di Conseho di Minister na fin di oktober.
β€œGobierno di Aruba ta trahando riba e alternativanan pa asina por bin na remarke pa e sosten necesario. E hecho cu ta tarda un luna mas, no ta un problema mesora, debi cu e entradanan di pais Aruba ta mehorando poco poco, pero sigur”, Prome Ministe Evelyn Wever-Croes a duna di conoce.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: