Site icon KIKO TA PASANDO NOTISIA I INFORMASHON

 UNSEBAKO tin UN DIREKTIVA NOBO

Advertisements

 UNSEBAKO tin UN DIREKTIVA NOBO

Resientemente e sentronan di bario afiliá na Fundashon Union di Sentronan di Bario di Kòrsou “UNSEBAKO” den un reunion di Konseho di Federashon a elegí un direktiva nobo pa dirigí e organisashon pa e periodo di 2021 pa 2023. Despues di a dirigí UNSEBAKO pa 7 aña largu, presidente saliente di UNSEBAKO mr. Juny Sluis (Sentro di Bario Souax) awor a pasa e martin pa e presidente nobo ku ta sr. Oswin Cijntje (Sentro di bario Tera Kòrá). E demas miembronan di direktiva ku a keda elegí pa forma parti di e direktiva nobo di UNSEBAKO ta:
– sr. Norman Girigorie; sekretario (Sentro di Bario Souax)
– sr. Franklyn Simon; tesorero (Sentro di Bario Santa Maria)
– sra. Andreina Mutebi – Ignacio; miembro (Sentro di Bario Gibraltar)
– sr. Rudsel Marchena; miembro (Sentro di Bario Brievengat)
– sr. Dailison Cordilia; miembro (Sentro di Bario Gibraltar)
UNSEBAKO for di su lantamentu ta dunando hopi atenshon na interkambio di konosementu entre miembronan i sosten di un na otro pa asina logra un mihó funshonamentu di tur sentro afiliá.
E direktiva nobo di UNSEBAKO ta desidido pa kontinuá ku e trayekto aki i den kuadro di esaki a pidi i a haña koperashon di e direktiva diario saliente pa nan fungi komo konsehero. Ku esaki awor sr. Juny Sluis,
sr. Frank Mathilda i sra. Truus Isidora ofisialmente ta forma e Tim di Konsehero di direktiva di UNSEBAKO.

Riba e foto momentu ku ta pasa e martin pa e direktiva nobo. Di robes pa drechi sr.Rudsel Marchena, sr Juny Sluis presidente saliente di UNSEBAKO, sr. Norman Girigorie, den representashon di sr. Oswin Cijntje e presidente nobo di UNSEBAKO, sr. Franklyn Simon i sra. Andreina Mutebi – Ignacio .
No presente ta sr. Oswin Cijntje pa motibu di kebrante di salú i sr Dailison Cordilia pa motibu di kompromiso ku trabou.


Norman Girigorie , sekretario ( 563-1018)

Exit mobile version