Gabinete Wever-Croes Prome Minister Evelyn Wever-Croes: ๐—š๐—ข๐—•๐—œ๐—˜๐—ฅ๐—ก๐—ข ๐——๐—œ ๐—”๐—ฅ๐—จ๐—•๐—” ๐—” ๐—ฅ๐—œ๐—–๐—œ๐—•๐—œ ๐— ๐—”๐—ฆ ๐—ง๐—˜๐— ๐—ฃ๐—ข ๐——๐—œ ๐—›๐—จ๐—Ÿ๐—”๐—ก๐——๐—” ๐—ฃ๐—” ๐—–๐—จ๐— ๐—ฃ๐—Ÿ๐—œ ๐—–๐—จ ๐—ฅ๐—˜๐—ž๐—œ๐—ฆ๐—œ๐—ง๐—ข ๐—ฃ๐—” ๐—•๐—œ๐—ก ๐—ก๐—” ๐—ฅ๐—˜๐— ๐—”๐—ฅ๐—ž๐—˜ ๐—ฃ๐—” ๐—ฆ๐—ข๐—ฆ๐—ง๐—˜๐—ก ๐——๐—œ ๐—Ÿ๐—œ๐—ž๐—œ๐——๐—˜๐—ฆ

 

Gabinete Wever-Croes

Prome Minister Evelyn Wever-Croes:
๐—š๐—ข๐—•๐—œ๐—˜๐—ฅ๐—ก๐—ข ๐——๐—œ ๐—”๐—ฅ๐—จ๐—•๐—” ๐—” ๐—ฅ๐—œ๐—–๐—œ๐—•๐—œ ๐— ๐—”๐—ฆ ๐—ง๐—˜๐— ๐—ฃ๐—ข ๐——๐—œ ๐—›๐—จ๐—Ÿ๐—”๐—ก๐——๐—” ๐—ฃ๐—” ๐—–๐—จ๐— ๐—ฃ๐—Ÿ๐—œ ๐—–๐—จ ๐—ฅ๐—˜๐—ž๐—œ๐—ฆ๐—œ๐—ง๐—ข ๐—ฃ๐—” ๐—•๐—œ๐—ก ๐—ก๐—” ๐—ฅ๐—˜๐— ๐—”๐—ฅ๐—ž๐—˜ ๐—ฃ๐—” ๐—ฆ๐—ข๐—ฆ๐—ง๐—˜๐—ก ๐——๐—œ ๐—Ÿ๐—œ๐—ž๐—œ๐——๐—˜๐—ฆ
ORANJESTAD – Dialuna mainta den rueda di prensa di Gobierno di Aruba, Premier Evelyn Wever – Croes a elabora riba e topico di sosten di likides. Manera cu ta conoci, Aruba a cuminsa ricibi sosten di likides for di Gobierno Hulandes desde 2020 y pa cual Aruba ta entrega na Hulanda e suma necesario pa sosten di likides. CFT ta revisa e peticion y duna un conseho na Gobierno Hulandes. Finalmente Gobierno Hulandes ta aproba of desaproba e peticion, a base di e conseho di CFT.
Prome Minister a splica cu desde cu a cuminsa ricibi sosten di likides na 2020, cada biaha tabatin un of otro cos cu mester a dialoga riba dje, pero nunca CFT a duna Aruba conseho completamente negativo. Sinembargo e biaha aki CFT a duna conseho negativo pa algun motibo cu Gobierno di Aruba no ta di acuerdo cu nโ€™e, pero cu ta dialogando cu Hulanda riba nan.
Gobierno Hulandes kier a tuma e decision pa nenga Aruba e sosten likides. Pโ€™esey prome cu e reunion di Conseho di Minister di Reino (diabierna ultimo cu e tema aki tabata riba agenda), Premier Wever – Croes a dialoga cu Secretario di Estado sr. Knops y cu Premier Rutte na New York (diabierna). Resultado di e dialogo aki ta cu nan no a nenga Aruba e sosten di likides, pero a duna mas tempo. Den e dialogo cu a tuma luga, Premier Wever – Croes a splica cu desde 30 di maart cu Gobierno a cay te cu siman pasa diadomingo 19 di september, tabatin un Gobierno demisionario. Esaki a haci cu no por a tuma tur decision manera un Gobierno legitimo. Pues awo cu si ta posibel, a pidi espacio pa tuma e decisionnan cu mester pa por bin na remarke pa e sosten di likides.
Tin 2 tema cu tin opinion dividi entre Gobierno di Aruba y Gobierno Hulandes:
(1) Wever – Croes norm; Landsverordening normering top inkomens. Na Aruba a mira cu cierto directornan di companianan estatal tabata gana 5,6, of 10 biaha mas hopi cu Minister President. Berdad ta compronde cu na cierto compania e materia cu nan ta maneha ta hopi tecnico y dificil pa haya hende, pero no por hustifica cu ta gana asina mas hopi cu e funcion cu ta carga tur e responsabilidadnan di e Pais. Esaki ta en general. Consecuentemente a bin cu un ley cu ta pone un maximo na e salario di un director di un compania estatal na 130% di e salario di un Minister President. Esey ta un ley cu a traha riba dje caba y ta cla pa wordo trata.
Sinembargo Hulanda a bisa cu mester baha esaki y ahuste mas. Ademas Hulanda a indica cu algo mester wordo haci cu e pensioen di Ministernan tambe. Prome Minister Wever – Croes a agrega cu ta trahando riba e ahustenan aki. Sinembargo, a resulta cu Prome Minister di Aruba su salario ta hopi mas abou cu Prome Minister di Corsou y hopi mas abou cu Prome Minister di Sint Maarten. Pues Hulanda a impone e regla di 130% riba tur tres isla sin duna espacio pa ahusta esaki. Cual ta haci cu e salario cu ta basa riba e Minister President di Aruba (maximo 130%) ta bay cay hopi mas abou cu Corsou y Sint Maarten. Consecuentemente un director di compania estatal na Aruba cu ta haci mesun trabou cu esun di Corsou of Sint Maarten, ta gana hopi menos. Esaki por causa โ€˜Brain drainโ€™ cual hustamente no kier pa Aruba. Riba e situacion aki Hulanda ta sali for di e punto di bista cu Aruba mester haci ahustenan cu nan a menciona y no worry cu locual ta tuma luga na otro islanan.
Premier Wever – Croes a enfatisa cu no tin problema cu e ley, pero lo desea pa e ta poco mas alinea regionalmente cu Corsou y Sint maarten. Sinembargo si esey no logra lo sigui cu e pasonan pa e implementacion.
(2) E otro punto cu si tin division mas serio segun Premier Wever – Croes, ta encera e cortamento den e gastonan di cuido di salud, esta AZV. Manera ta conoci aรฑa pasa Hulanda a bin cu e exigencia cu mester corta 5 miyon den AZV pa e sosten di likides cu tabatin mester di dje 15 di mei. Gobierno di Aruba a bay di acuerdo cu e 5 miyon, pero diripiente Hulanda a aumenta esaki pa 5 miyon mensual. Esaki ta algo cu Gobierno a protesta continuamente como cu e ta bira dificil, pero asina mes e aรฑa aรฑa pasa a corta 35 miyon florin y e aรฑa aki a logra corta 40 miyon florin. Sinembargo como cu CFT a bisa 40 miyon no ta 60 miyon cu mester corta anualmente, Aruba no ta haya e placa.
Prome Minister a indica un bes mas cu Gobierno no ta di acuerdo cu e opinion aki y cu e posicion di e organo no ta duna realse of respet na e seriedad di e situacion cu Aruba ta aden. Pues e ultimo palabracion haci cu Hulanda ta pa duna espacio pa den e dianan aki sigui dialoga pa por sali for di e situacion.
โ€œPor ultimo ta importante pa remarca cu e sosten di likides ta hopi importante pa Aruba, especialmente pa loke ta e subsidio di salario cu ta duna na basta trahado (loonsubsidie) y tambe pa e proyecto di pakete di cuminda. Gobierno di Aruba lo sigui negocia cu miras pa por yega na un solucion pronto pa Aruba por haya e sosten di likides cu ta asina necesario y tin tur confiansa cu lo sali for di esaki, Premier Wever – Croes a termina bisando.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: