Gabinete Wever-Croes Minister di Husticia y Asuntonan Social, Rocco Tjon: ππ£πππππ‘ππ’ π¨π‘ π ππ‘πππ’ π π¨ππ§π πππ¦πππ£πππ‘ππ₯ππ’ ππ’ ππ§ππ‘ππ ππ¨ π₯ππ§π’π‘ππ‘ ππ π¦πππ§π’π₯ ππ ππ¨π¦π§ππππ π¬ π¦π’ππππ
Gabinete Wever-Croes
Minister di Husticia y Asuntonan Social, Rocco Tjon:
ππ£πππππ‘ππ’ π¨π‘ π ππ‘πππ’ π π¨ππ§π πππ¦πππ£πππ‘ππ₯ππ’ ππ’ ππ§ππ‘ππ ππ¨ π₯ππ§π’π‘ππ‘ ππ π¦πππ§π’π₯ ππ ππ¨π¦π§ππππ π¬ π¦π’ππππ
Den cuadro di e trabounan di Ministerio di Husticia y Asuntonan Social, Minister encarga Rocco Tjon ta reuniendo cu diferente stakeholder. E siman aki lo percura pa sinta cu tur e departamentonan cu ta resorta den e cadena social, pa scucha di nan banda kico ta e retonan cu ta biba cerca nan.
βUn vision cu nos tin y un maneho cu nos kier ehecuta ta pa trece e dos veldnan di Husticia y Asuntonan Social mas hunto.β
Minister Tjon ta splica, cu e acercamento aki lo haci cu lo combati criminalidad mas eficas, pa motibo cu hopi biaha e retonan social ta conduci cu un persona ta comete un acto criminal. Ademas, Minister Tjon a expresa su confiansa den programanan multi disciplinario cu ta percura pa barionan tin iluminacion adecua y limpi pero cu ta ofrece e hobennan den bario oportunidad pa atende programanan di deporte, programanan social, programanan di arte y programanan educactivo cual tur ta hopi importante. A traves di un maneho integral lo bay atende cu entre otro problema di βdropoutsβ di muchanan cu no por bay un bijles pa motibo cu mayornan no por paga esaki. Esaki ta un proyecto cu lo kier introduci (den colaboracion cu demas stakeholders) den Presupuesto 2022.
Un reunion hopi importante cu lo tuma luga pronto, segun Minister Tjon, ta cu e fundacion βTa Basta, End Child Abuseβ cu tambe lo haya un invitacion pa sinta na mesa cu nan preocupacion y sugerencianan. E topico di abuso di mucha a causa hopi conmocion den nos comunidad y durante e proceso di formacion nan a entrega un documento den cual nan ta seΓ±ala e puntonan di mehoracion den e parti di maneho, e parti legislavio, e parti di concsientisacion y prevencion. Di banda di Ministerio di Asuntonan Social, ya caba a busca mayoria informacion y a βwerkuitβ diferente di nan puntonan.
Terminando Minister Tjon a duna di conoce cu e ta wak bek na un siman fructifero di trabou y ta anticipa e siman cu ta bin.
