Gabinete Wever-Croes Den reunion den Parlamento: ๐—ฃ๐—ฅ๐—ข๐—–๐—˜๐——๐—จ๐—ฅ๐—” ๐——๐—œ ๐—ฆ๐—–๐—ฅ๐—˜๐—˜๐—ก๐—œ๐—ก๐—š ๐——๐—œ ๐— ๐—œ๐—ก๐—œ๐—ฆ๐—ง๐—˜๐—ฅ ๐—” ๐—•๐—”๐—ฌ ๐—ฆ๐—˜๐—š๐—จ๐—ก ๐——๐—˜๐—–๐—ฅ๐—˜๐—ง๐—ข โ€œ๐˜Œ ๐˜ช๐˜ฏ๐˜ด๐˜ต๐˜ช๐˜ต๐˜ถ๐˜ต๐˜ฐ๐˜ฏ๐˜ข๐˜ฏ ๐˜ค๐˜ถ ๐˜ข ๐˜ฉ๐˜ข๐˜ค๐˜ช ๐˜ด๐˜ค๐˜ณ๐˜ฆ๐˜ฆ๐˜ฏ๐˜ช๐˜ฏ๐˜จ ๐˜ต๐˜ข ๐˜ค๐˜ฐ๐˜ฎ๐˜ฑ๐˜ญ๐˜ฆ๐˜ต๐˜ข๐˜ฎ๐˜ฆ๐˜ฏ๐˜ต๐˜ฆ ๐˜ช๐˜ฏ๐˜ฅ๐˜ฆ๐˜ฑ๐˜ฆ๐˜ฏ๐˜ฅ๐˜ช๐˜ฆ๐˜ฏ๐˜ต๐˜ฆ ๐˜บ ๐˜ฏ๐˜ฐ ๐˜ต๐˜ช๐˜ฏ ๐˜ฏ๐˜ช๐˜ถ๐˜ฏ ๐˜ช๐˜ฏ๐˜ง๐˜ญ๐˜ถ๐˜ฆ๐˜ฏ๐˜ค๐˜ช๐˜ข ๐˜ฅ๐˜ช ๐˜ฏ๐˜ช๐˜ถ๐˜ฏ ๐˜ฉ๐˜ฆ๐˜ฏ๐˜ฅ๐˜ฆ

 

Gabinete Wever-Croes

Den reunion den Parlamento:
๐—ฃ๐—ฅ๐—ข๐—–๐—˜๐——๐—จ๐—ฅ๐—” ๐——๐—œ ๐—ฆ๐—–๐—ฅ๐—˜๐—˜๐—ก๐—œ๐—ก๐—š ๐——๐—œ ๐— ๐—œ๐—ก๐—œ๐—ฆ๐—ง๐—˜๐—ฅ ๐—” ๐—•๐—”๐—ฌ ๐—ฆ๐—˜๐—š๐—จ๐—ก ๐——๐—˜๐—–๐—ฅ๐—˜๐—ง๐—ข
โ€œ๐˜Œ ๐˜ช๐˜ฏ๐˜ด๐˜ต๐˜ช๐˜ต๐˜ถ๐˜ต๐˜ฐ๐˜ฏ๐˜ข๐˜ฏ ๐˜ค๐˜ถ ๐˜ข ๐˜ฉ๐˜ข๐˜ค๐˜ช ๐˜ด๐˜ค๐˜ณ๐˜ฆ๐˜ฆ๐˜ฏ๐˜ช๐˜ฏ๐˜จ ๐˜ต๐˜ข ๐˜ค๐˜ฐ๐˜ฎ๐˜ฑ๐˜ญ๐˜ฆ๐˜ต๐˜ข๐˜ฎ๐˜ฆ๐˜ฏ๐˜ต๐˜ฆ ๐˜ช๐˜ฏ๐˜ฅ๐˜ฆ๐˜ฑ๐˜ฆ๐˜ฏ๐˜ฅ๐˜ช๐˜ฆ๐˜ฏ๐˜ต๐˜ฆ ๐˜บ ๐˜ฏ๐˜ฐ ๐˜ต๐˜ช๐˜ฏ ๐˜ฏ๐˜ช๐˜ถ๐˜ฏ ๐˜ช๐˜ฏ๐˜ง๐˜ญ๐˜ถ๐˜ฆ๐˜ฏ๐˜ค๐˜ช๐˜ข ๐˜ฅ๐˜ช ๐˜ฏ๐˜ช๐˜ถ๐˜ฏ ๐˜ฉ๐˜ฆ๐˜ฏ๐˜ฅ๐˜ฆโ€

Durante reunion den Parlamento diahuebs mainta na unda cu a trata e proceso di formacion, di reparticion di cartera y di screening, Prome Minister Evelyn Wever-Croes a duna un splicacion amplio y na placa chikito con cada proceso a bay.

Pa loke ta trata e procedura di screening di ministernan segun Landsbesluit 9 sept 2013, no. 1, e decreto ta stipula cu e formador ta encarga cu e screening y esaki e lo mester entrega na Gobernador di Aruba pa evaluacion. E procedura di screening ta riba e siguiente areanan:

– Investigacionnan na e candidato na unda nan mester entrega documentonan cu tur hende por haรฑa riba internet y su famia te den di 3 grado di dje y su casa (yiunan, nietonan, mayornan, rumannan, abuelonan, omo y tanta, subrino y subrina). Mester raporta trabou, funccion y interesnan financiero den companianan di cada un di e personanan aki.
– Investigacion criminal pa Ministerio Publico
– Investigacion di Departamento di Siguridad Nacional
– Investigacion di Departamento di Impuesto
– Declaracion di salud, den caso cu ta necesario
– Investigacionan cu formador ta haya necesario
– Conversacionnan cu candidatonan y investigacion mas profundo den caso cu ta necesario
– Supervisa y aproba pa Gobernador

E tres institutonan aki ta completamente independiente cu no tin niun hende cu por influencia y nan ta haciโ€™e segun nan criteria y e decreto. Na final di nan investigacion, nan a presenta e resultado na Formador y esey a forma parti di e conversacion y deliberacionnan cu tawata tin despues. Pues no ta Formador a dicidi ken debe impuesto of no, ni a wak den e filenan nacional kico tin pa dicidi kico por laga afor of no. No ta formador ta wak kico Ministerio Publico tin den su file of no. Esakinan a wordo haci door di e institutonan cu despues a informa Formador.

โ€œCaminda cu ta necesario pa haci un follow up y bay mas leu, por a haci esaki. Mi lo por a pidi Siguridad Nacional pa wak cierto temanan mas leu, of Ministerio Publico pa asina yega na un bista mas obhetivo di cada candidato, despues cu entrega esaki na gobernador.

E sistema aki di screening ami a aplica na 2017, 10 candidato, na 2019/2020, 1 Candidato y na 2021, 9 candidato. Pues ami a haci 20 screening den e 4 aรฑanan aki. Si e ley di screening por drenta na vigor e lo haci e trabou di e formador hopi mas facil y pa Parlamneto tambe permitiendo nan pa haรฑa mas informacion mirando cu esey nan kier aworakiโ€, Prome Minister a duna di conoce.

Prome Minister den e reunion publico a ripiti loke el a bisa den mas di ocacion, โ€œE screening a bay segun e decreto y aki nan mi metser subraya articulo 7 di e decreto cu ta bisa cu irespecto loke articulo 6 ta bisa, tur conversacion, informacion y corespondencia entre e formador y e candidato, ta confidencialโ€.

Tur screening ta confidencial y riba e contenido no por duna informacion na tercera parti. Dus tin un deber de confidencialidad hopi severo den e decreto aki cu ta prohibi Formador di duna informacion riba e screening. Hopi, entre nan oposicion den Parlamento ta pidi pa informacion y segun Prome Minister, e ora nan mester cambia e ley. Despues di deliberacion cu Parlamentario Hendrik Tevreden cu a pidi e reunion, Prome Minister a duna informacion tambe na Parlamento pero ta keda na Parlamento pa cambia e ley.

โ€œBo ta wordo paga pa bo ta Parlamentario. Si cambia e ley di screening, e ora ami como Formador por comparti informacion. Pero bo no por exigi ami como Formador viola ley pasobra abo no kier cambia e leyโ€, Prome Minister a enfatisa.

Prome Minister na final riba e punto di screening, a recorda Parlamento tambe cu ta Presidente di Parlamento actual, Seรฑor Edgard Vrolijk mes a traha riba e concepto di ley aki na unda articulo 9:4 ta bisa cu unabes e ley pasa e tipo di informacionnan aki, e samenvatting di e screening, por wordo comparti cu Parlamento.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: