Aksidente di tráfiko ku herido.

October 5, 2021 REDAKSHON

KOMUNIKADO DI PRENSA 337/ 2021
4 òktober 2021.
Aksidente di tráfiko ku herido.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djaluna 4 di òktober 2021 alrededor di 13.31’or, Sentral di Polis a haña informashon di un
aksidente di tráfiko ku a tuma lugá riba Kaminda Rignald Recordino.
E unidat ku a yega na e sitio a topa ku dos vehíkulo ku a aksidentá.
For di investigashon ku polis a hasi na e sitio a resultá ku un di e vehíkulonan a bai pasa e
vehíkulo ku tabata kore su dilanti i a topa ku un vehíkulo ku tabata bini for di dirèkshon
kontrali i a dal den esaki.
Debi na e impakto, un di e vehíkulonan a bòltu.
Ku yudansa di brantwer a saka 3 di e víktimanan ku tabata pegá den nan vehíkulo.
E okupantenan a risibí leshonnan na diferente parti di nan kurpa.
Ku Ambulans a transportá kuater víktima pa departamentu di emergensia di C.M.C. pa mas
tratamentu médiko.
Departamentu di Tráfiko ta kontinuá ku e investigashon.