Prome Minister Evelyn Wever-Croes: Luna di Adultonan Mayor ๐ก๐ข๐ฆ ๐๐๐จ๐๐ง๐ข๐ก๐๐ก ๐ ๐๐ฌ๐ข๐ฅ ๐ ๐๐ก๐๐จ๐๐๐ ๐ ๐๐๐๐ข๐ฅ ๐๐ ๐๐๐ ๐๐ ๐๐๐ก ๐ก๐ข๐ฆ ๐ฆ๐ข๐๐๐๐๐๐
Prome Minister Evelyn Wever-Croes:
Luna di Adultonan Mayor
๐ก๐ข๐ฆ ๐๐๐จ๐๐ง๐ข๐ก๐๐ก ๐ ๐๐ฌ๐ข๐ฅ ๐ ๐๐ก๐๐จ๐๐๐ ๐ ๐๐๐๐ข๐ฅ ๐๐ ๐๐๐ ๐๐ ๐๐๐ก ๐ก๐ข๐ฆ ๐ฆ๐ข๐๐๐๐๐๐
Pa e gobernacion di Gabinete Wever-Croes II, nos grandinan ta sigui ta un prioridad grandi especialmente den e tempo dificil di e pandemia aki cu ainda nos ta aden. Ta importante pa keda mantene contacto cu nos grandinan. Esaki por via telefoon principalmente.
Durante di e pandemia aรฑa pasa, FUTURA a facilita conectividad y apoyo pa nos grandinan y temporalmente a entrega casnan di cuido algun tablets pa yuda e habitantenan di casnan di cuido mantene contacto cu nan famia, amigo y sernan keri. Nos adultonan mayor a inculca e balor di famia den nos sociedad.
E celebracion di Adultonan Mayor ta basa riba famia, nos generacionnan y nos tradicionnan. E ta hopi importante pa nos cada un inculca den nos yiunan, den nan yiunan, den nos futuro generacionnan pa asina e bunita herencia por keda traspasa di generacion pa generacion.
Y ta hopi importante pa nos por conserva tur loke nos a siรฑa di nos dushi grandinan.
โNos ta hopi orguyoso y hopi agradecido pa tur locual cu boso a haci pa nos pais, pasobra boso ta e constructornan di nos pais cu nos ta biba aden awe. E pais aki cu nos generacion poco mas hoben por lanta nos yiunan den dje y cu mayan nan por lanta nan yiunan den dje. E pais aki cu boso trabou y dedicacion y cu amor bosonan a crea y pโesey awo ta asina importante pa nos duna boso e honor y respet cu boso mereceโ, Prome Minister Evelyn Wever-Croes a expresa.
Gabinete Wever-Croes II a inclui den e ministerionan un ministerio cu lo encarga specificamente cu nos adultonan mayor. Minister Ursell Arends ta e minister encarga. Di e manera aki, pueblo por ta sigur cu Gobierno lo dedica atencion y e tempo cu mester pa atende cada un di e retonan.
