Asosashon Pastornan Kristian (APK) a studia e veredikto di 13 di September 2021 tokante matrimonio homo i por a konklui ku no tin base natural, legal, biologiko of logiko pa eksihi di Parlamentu i di Pueblo di Korsou ku mester duna dos hende di e mesun sekso, ku ta den union seksual, kualke derechi.

Asosashon Pastornan Kristian (APK) a studia e veredikto di 13 di September 2021 tokante
matrimonio homo i por a konklui ku no tin base natural, legal, biologiko of logiko pa eksihi
di Parlamentu i di Pueblo di Korsou ku mester duna dos hende di e mesun sekso, ku ta den
union seksual, kualke derechi.
Na prome luga mester ta bon kla pa tur hende, ku aki no ta trata di dos hende ku ke djis
biba bou di mesun dak. Hues mes den su veredikto ta defini ku ta trata di “sexuele
geaardheid”, “seksuele orientatie”, “mensen die vallen op personen van hetzelfde geslacht
“, “homoseksuele personen” i “affectieve relatie” pa ekspresa ku aki ta trata di aktonan
homoseksual.
Konsekuentemente, na momentu ku duna relashon homoseksual hasta solamente un
derechi, e akto homoseksual a wordu rekonose komo e base pa haña e derechi. Mester nota
tambe ku e akto homoseksual ya kaba ta legal. E no ta ilegal, pero awor ta eksihi derechi
basá riba e akto. Ta manera bo ta duna un rekompensa pa e akto seksual desviante ku ta
kontra desenyo i naturalesa ku e poder polisial kompleto su tras.
Korte su motibu prinsipal pa su veredikto ta ku nos Areglo di Estado (Grondwet) Art. 3 ta
bisa ku ‘den kasonan igual mester duna trato igual’. Den henter su veredikto e ta referi na
esaki pero kada bes lagando e prome parti afo. Nos Areglo di Estado ta eksigi ‘trato igual’
solamente si e ‘kaso ta igual’. Un mucha por kompronde ku e kasonan di union hetero i
union homo ta diferente. Konsekuentamente niun kaminda no ta skibi ku mester duna trato
igual.
Den apelashon i na Parlamentu e siguiente preguntanan mester wordu kontesta. Una bes ku
Korte ta konsidera e akto homoseksual komo algu bon, pa duna derechi na dje, kon por
evita awor ku esei lo wordu siña na skol manera ta sosodiendo na Hulanda? Kiko ta bai
pasa ku kompanianan ku no ke sostene e agenda homoseksual? Kiko ta bai pasa ku
empleyadonan ku no ke sostene e agenda homoseksual ku e direktor ke impone?
Ki lenguahe lo eksihi i impone (“compelled speech”) riba empleado pa ku homoseksualnan
i transgeneronan? Si un siudadano ekspresa opinion kontra di homoseksualidad, esaki lo
ser kualifika komo lenguahe di odio (“hate speech”), c.q. lenguage prohibi? Mester yama un
homber ku ta identifika komo muhe ‘señora’? Kiko ta bai pasa ora e homber ei ke partisipa
den deporte di hende muhe? Kiko lo ta e veredikto di e hues e ora ei? Kiko ta bai pasa ora
homoseksualnan ke adopta mucha? E interes di e mucha lo ta na prome luga ahinda?
Na Hungaria e Parlamentu a pasa un lei ku ta prohibi pa les di homoseksualidat, Idealogia
di Genero, wordu duna na skolnan. Mesora homoseksualnan na Oropa a bira histeriko i a
protesta i hasta den parlamentu Oropeo ministernan a rabia ku Hungaria, menasando pa
saka nan for di Union Oropeo. Si homoseksualnan por kasa kaba na Oropa, dikon tantu
rabia si mayornan ke proteha nan yunan?
Den e bintinuebe (29) paisnan ku tin matrimonio homoseksual esaki no a sosode via di
parlamentonan of referendum pero via di huesnan aktivista ku a re-interpreta
konstitushonnan na nan mes idealogia di bida. Mirando tur e erornan grave den e
veredikto di 13 di September ultimo, kon pueblo di Korsou ahinda por konfia Korte awor
ku un hues publikamente homoseksual, bibá ku homber, a wordu propone komo presidente
di Hof?
Pa konklui, APK no ta kontra pa tur hende por biba felis, pero nos tin ku proteha e felisidat
di sobra komunidad i nos famianan tambe.
Gradisiendo di antemano nos ta keda atentamente,