Minister Rocco Tjon : π— π—œπ—‘π—œπ—¦π—§π—˜π—₯ π——π—œ π—›π—¨π—¦π—§π—œπ—–π—œπ—” 𝗬 𝗔𝗦𝗨𝗑𝗧𝗒𝗑𝗔𝗑 π—¦π—’π—–π—œπ—”π—Ÿ 𝗧𝗔𝗕𝗔𝗧𝗔 𝗑𝗔 π—˜ β€œπ—–π—œπ—₯π—–π—¨π—Ÿπ—”π—₯ π—˜π—–π—’π—‘π—’π— π—¬ π— π—”π—¦π—§π—˜π—₯π—–π—Ÿπ—”π—¦π—¦ 𝗔π—₯𝗨𝗕𝗔”

Gabinete Wever-Croes

Minister Rocco Tjon :
π— π—œπ—‘π—œπ—¦π—§π—˜π—₯ π——π—œ π—›π—¨π—¦π—§π—œπ—–π—œπ—” 𝗬 𝗔𝗦𝗨𝗑𝗧𝗒𝗑𝗔𝗑 π—¦π—’π—–π—œπ—”π—Ÿ 𝗧𝗔𝗕𝗔𝗧𝗔 𝗑𝗔 π—˜ β€œπ—–π—œπ—₯π—–π—¨π—Ÿπ—”π—₯ π—˜π—–π—’π—‘π—’π— π—¬ π— π—”π—¦π—§π—˜π—₯π—–π—Ÿπ—”π—¦π—¦ 𝗔π—₯𝗨𝗕𝗔”
Minister di Husticia y Asuntonan Social Rocco Tjon a ricibi invitacion pa hiba palabra na e evento di β€œCircular Economy Masterclass Aruba”. Un evento pa e comunidad Arubiano den negoshi por amplia nan conocemento y acercamento economico den cuadro di economia circular.
β€˜Como e Minister di Husticia y Asuntonan social mi ta contento di a ricibi e oportunidad pa por comparti algun palabra teniendo cuenta e impacto positivo di economia circular den diferente sector.’
Na e ocasion Minister Tjon a treci dilanti e hecho cu Aruba ta actualmente memey di un Pandemia y otro aΓ±a ta marca como e aΓ±a di crecemento economico. El a splica tambe cu na inicio di e pandemia tabatin 10777 persona cu tabata depende di ayudo financiero di Gobierno, aworaki e cantidad aki a baha te na 2759 (september 2021).
Gobierno tin e tarea pa stimula esnan cu a perde nan trabou den e pandemia pa siΓ±a otro habilidad pa por participa den e mercado laboral. Aki ta unda cu tin un tarea importante pa e Ministerio di Asuntonan Social, pa promove proyectonan di Gobierno manera β€œAruba kier traha”, pa re-educa y bolbe entrena esnan cu ta depende di ayudo financiero di Gobierno.
Tin hopi reto ora cu ta trata e dimension social relaciona cu economia circular, por ehempel si mira e innovacion cu ta necesario, no mester lubida di promove innovacion social tambe pa mehora e acceptacion di e productonan aki den comunidad. Segun e Minister a splica, un di e retonan di mas grandi cu ta enfrenta cu ne como Gobierno ora cu ta trata di e dimension social ta, con financieramente accesibel e productonan ta. Si prijsnan ta mucho halto pa consumidornan, e acceptacion di e productonan ta hopi mas dificil.
Finalisando e mandatario a bisa cu metanan di desaroyo sostenibel / Sustainable Development Goals (SDGs) por wordo realisa solamente den un economia circular. Pues e ta importante pa enfatisa cu pa yega na un economia circular no mester enfoca solamente riba procesonan eficiente, riba innovacion, un refineria limpi, energia limpi, naturalesa y mas. Pero e ta encera mas bien un cambio den e forma di pensa y di estilo di bida.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: