Gobièrnu a instalá grupo di trabou Teatro Nashonal ‘Ced Ride’

Gobièrnu a instalá grupo di trabou Teatro Nashonal ‘Ced Ride’

 

WILLEMSTAD – Gobièrnu a instalá un komishon di trabou pa traha riba e proposishon Teatro Nashonal ‘Ced Ride’. Minister di Enseñansa, Siensia, Kultura i Deporte (ESKD) sr. Sithree ‘Cey’ van Heydoorn i Minister di Tráfiko, Transporte i Planifikashon Urbano (TTPU) sr. Charles Cooper a firma na nòmber di Gabinete Pisas e ordenansa den presensia di e miembronan ku a keda instalá.

 

E miembronan ta:

  • presidente  di Konseho Kultural Kòrsou sr. Andrey Pichardo;
  • presidente di Fundashon Amigunan di ‘Ced Ride’, sr. Christian Peterson;
  • un miembro di Konseho Kultural Kòrsou sr. Micheal Newton;
  • direktor di Sektor di Kultura i Deporte òf un persona nombrá den representashon di e ministerio di ESKD; 
  • direktor di Infrastruktura i Planikfikashon Urbano òf un persona nombrá den representashon di ministerio di TTPU.

 

E komishon tin komo tarea pa traha riba puntonan di salida pa bin ku un proposishon pa ku konstrukshon i finansiamentu di un Teatro Nashonal ‘Ced Ride’, teniendo kuenta ku e maneho di gobièrnu i e maneho di Kultura 2021-2025. Tambe nan a keda enkargá ku e tarea pa bin ku un struktura finansiero pa ku invershon kaminda organisashonnan partikular por yuda den e trayekto aki i na mes momento traha riba un dokumento vishonario pa ku proposishonan konkreto pa kristalisahon di e Teatro Nashonal ‘Ced Ride’.

 

KOMUNIKASHON

 

** Riba e potrètnan athunto por tuma nota di e momentu ku e minister di ESKD sr. Sithree van Heydoorn i  minister di TTPU sr. Charles Cooper a firma i hasi entrega di e ordenansa na e Grupo di Trabou Teatro Nashonal ‘Ced Ride’.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: