๐—ฅ๐—˜๐—จ๐—ก๐—œ๐—ข๐—ก ๐—™๐—ฅ๐—จ๐—–๐—ง๐—œ๐—™๐—˜๐—ฅ๐—ข ๐—–๐—จ ๐—ฃ๐—ฅ๐—ข๐—–๐—จ๐—ฅ๐—˜๐—จ๐—ฅ ๐—š๐—˜๐—ก๐—˜๐—ฅ๐—”๐—Ÿ ๐——๐—œ ๐— ๐—œ๐—ก๐—œ๐—ฆ๐—ง๐—˜๐—ฅ๐—œ๐—ข ๐—ฃ๐—จ๐—•๐—Ÿ๐—œ๐—–๐—ข; ๐—” ๐—ง๐—ข๐—–๐—” ๐——๐—œ๐—™๐—˜๐—ฅ๐—˜๐—ก๐—ง๐—˜ ๐—ฃ๐—จ๐—ก๐—ง๐—ข๐—ก๐—”๐—ก ๐——๐—˜๐—ก ๐—–๐—จ๐—”๐——๐—ฅ๐—ข ๐——๐—œ ๐— ๐—œ๐—ก๐—œ๐—ฆ๐—ง๐—˜๐—ฅ๐—œ๐—ข ๐——๐—œ ๐—›๐—จ๐—ฆ๐—ง๐—œ๐—–๐—œ๐—”

 

Gabinete Wever-Croes

Minister Rocco Tjon:
๐—ฅ๐—˜๐—จ๐—ก๐—œ๐—ข๐—ก ๐—™๐—ฅ๐—จ๐—–๐—ง๐—œ๐—™๐—˜๐—ฅ๐—ข ๐—–๐—จ ๐—ฃ๐—ฅ๐—ข๐—–๐—จ๐—ฅ๐—˜๐—จ๐—ฅ ๐—š๐—˜๐—ก๐—˜๐—ฅ๐—”๐—Ÿ ๐——๐—œ ๐— ๐—œ๐—ก๐—œ๐—ฆ๐—ง๐—˜๐—ฅ๐—œ๐—ข ๐—ฃ๐—จ๐—•๐—Ÿ๐—œ๐—–๐—ข; ๐—” ๐—ง๐—ข๐—–๐—” ๐——๐—œ๐—™๐—˜๐—ฅ๐—˜๐—ก๐—ง๐—˜ ๐—ฃ๐—จ๐—ก๐—ง๐—ข๐—ก๐—”๐—ก ๐——๐—˜๐—ก ๐—–๐—จ๐—”๐——๐—ฅ๐—ข ๐——๐—œ ๐— ๐—œ๐—ก๐—œ๐—ฆ๐—ง๐—˜๐—ฅ๐—œ๐—ข ๐——๐—œ ๐—›๐—จ๐—ฆ๐—ง๐—œ๐—–๐—œ๐—”
๐˜•๐˜ฐ ๐˜ญ๐˜ฐ ๐˜ค๐˜ฐ๐˜ณ๐˜ต๐˜ข ๐˜ฅ๐˜ฆ๐˜ฏ ๐˜ฆ โ€œ๐˜ธ๐˜ฆ๐˜ฏ๐˜ด๐˜ฆ๐˜ญ๐˜ช๐˜ซ๐˜ฌ๐˜ฉ๐˜ฆ๐˜ช๐˜ฅ ๐˜ฃ๐˜ฆ๐˜จ๐˜ณ๐˜ฐ๐˜ต๐˜ช๐˜ฏ๐˜จโ€ ๐˜ฅ๐˜ช ๐˜ช๐˜ฏ๐˜ด๐˜ต๐˜ข๐˜ฏ๐˜ค๐˜ช๐˜ข๐˜ฏ๐˜ข๐˜ฏ ๐˜ค๐˜ถ ๐˜ต๐˜ข ๐˜ฆ๐˜ฏ๐˜ง๐˜ฐ๐˜ฌ๐˜ข ๐˜ฏ๐˜ข๐˜ฏ ๐˜ฎ๐˜ฆ๐˜ด ๐˜ฅ๐˜ฆ๐˜ฏ ๐˜ค๐˜ฐ๐˜ฎ๐˜ฃ๐˜ข๐˜ต๐˜ช ๐˜ค๐˜ฐ๐˜ณ๐˜ถ๐˜ฑ๐˜ค๐˜ช๐˜ฐ๐˜ฏ, ๐˜ฑ๐˜ฐ๐˜ณ ๐˜ฆ๐˜ฉ๐˜ฆ๐˜ฎ๐˜ฑ๐˜ฆ๐˜ญ ๐˜”๐˜ช๐˜ฏ๐˜ช๐˜ด๐˜ต๐˜ฆ๐˜ณ๐˜ช๐˜ฐ ๐˜—๐˜ถ๐˜ฃ๐˜ญ๐˜ช๐˜ค๐˜ฐ ๐˜บ ๐˜“๐˜ข๐˜ฏ๐˜ฅ๐˜ด๐˜ณ๐˜ฆ๐˜ค๐˜ฉ๐˜ฆ๐˜ณ๐˜ค๐˜ฉ๐˜ฆ.

Dialuna merdia Minister di Husticia y Asuntonan Social Sr. Tjon a reuni cu Procureur General di Ministerio Publico Sr. Bote Ter Steege, caminda a toca varios puntonan cu ta pertenece na Ministerio di Husticia, entre otro e maneho sostenibel pa loke ta combati corupcion na Aruba, e cuido forensico pa loke ta trata KIA y por ultimo regulacionnan den cuadro di abuso sexual.

For di Ministerio di Husticia y Asuntonan Social a vocifera na diferente ocasion cu no lo corta den e โ€œwenselijkheid begrotingโ€ di instancianan cu ta enfoka nan mes den combati corupcion, por ehempel Ministerio Publico y Landsrecherche. Segun Minister Tjon, actualmente tin un concepto riba mesa. Aki ta trata di un plan di maneho caminda tur instancianan concerni a duna comentario riba dje cu e meta final pa yega na un unidad dedica na combati corupcion. E unidad aki lo wordo instala serca Ministerio Publico bou di autoridad di Ministerio Publico di Aruba y lo bay tin su propio fiscal como tambe su propio ekipo huridico, pa asina por tin un unidad dedica unicamente na e tema aki.

Siguientemente, a reuni tambe tocante e cuido forensico y con esaki lo mester wordo incorpora na Aruba of den nos region pa asina por garantisa un miho cuido na un persona durante y despues di a sinta su castigo. Den cuadro di esaki tambe a toca e topico di KIA, caminda un di e visionnan ta pa percura pa yega na un instituto cu por brinda un bon cuido na hobennan como tambe esnan cu tin mester di e cuido forensico. E meta di esaki ta pa zorg di por baha recidivismo pa asina percura cu resocialisacion y reintegracion por ta un exito.

Por ultimo a toca e topico di abuso sexual, caminda dentro di poco lo bay tin regulacionnan nobo pa loke ta e problematica di abuso sexual na Aruba. Den cuadro di esaki โ€œbeleidsvoornemensโ€ nan di Ministerio lo inverti den e departamentonan pa asina por pone mas enfoke riba e parti di prevencion pero tambe riba e parti di investigacionnan cu ta wordo haci, pa esakinan por ta uno mas solido. Lo haci inversionnan necesario e aรฑa aki mes, caminda lo provee cursonan pero tambe lo inverti den e materialnan necesario pa esaki.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: