Prome Minister Evelyn Wever-Croes: π—šπ—’π—•π—œπ—˜π—₯𝗑𝗒 π—Ÿπ—’ π—›π—”π—–π—œ π—”π—‘π—¨π—‘π—–π—œπ—’ π—’π—™π—œπ—–π—œπ—”π—Ÿ π— π—”π—‘π—˜π—₯𝗔 𝗖𝗨 π—žπ—˜π——π—” π—–π—Ÿπ—” 𝗖𝗨 𝗑𝗒𝗠𝗕π—₯π—”π—–π—œπ—’π—‘ π——π—œ π—˜ π—¦π—œπ—šπ—¨π—œπ—˜π—‘π—§π—˜ π—₯π—˜π—£π—₯π—˜π—¦π—˜π—‘π—§π—”π—‘π—§π—˜ π——π—œ π—šπ—’π—•π—œπ—˜π—₯𝗑𝗒 π——π—œ 𝗔π—₯𝗨𝗕𝗔 𝗑𝗔 π—¨π—‘π—œπ—’π—‘ π—˜π—¨π—₯π—’π—£π—˜π—’



 

Gabinete Wever-Croes

Prome Minister Evelyn Wever-Croes:

π—šπ—’π—•π—œπ—˜π—₯𝗑𝗒 π—Ÿπ—’ π—›π—”π—–π—œ π—”π—‘π—¨π—‘π—–π—œπ—’ π—’π—™π—œπ—–π—œπ—”π—Ÿ π— π—”π—‘π—˜π—₯𝗔 𝗖𝗨 π—žπ—˜π——π—” π—–π—Ÿπ—” 𝗖𝗨 𝗑𝗒𝗠𝗕π—₯π—”π—–π—œπ—’π—‘ π——π—œ π—˜ π—¦π—œπ—šπ—¨π—œπ—˜π—‘π—§π—˜ π—₯π—˜π—£π—₯π—˜π—¦π—˜π—‘π—§π—”π—‘π—§π—˜ π——π—œ π—šπ—’π—•π—œπ—˜π—₯𝗑𝗒 π——π—œ 𝗔π—₯𝗨𝗕𝗔 𝗑𝗔 π—¨π—‘π—œπ—’π—‘ π—˜π—¨π—₯π—’π—£π—˜π—’

Durante conferencia di prensa di Gobierno di Aruba dialuna mainta, Prome Minister Evelyn Wever-Croes a aclarea si Parlamentario seΓ±or Ady Thijsen lo ta e siguiente Representante di Gobierno di Aruba na Union Europeo pa reemplasa seΓ±or Eddy Paris.

Prome Minister a duna di conoce cu esaki ta algo cu ta den proceso y no tin nada definitivo aworakinan den esaki. Partido Movimiento Electoral di pueblo ta esun cu ta propone cierto decisionnan. Den e caso aki seΓ±or Thijsen, mirando su experiencia y su conocemento, a wordo pidi pa asumi e funcion aki.

SeΓ±or Eddy Paris su funcion a termina caba pasobra e ta mara na e duracion di e Gabinete, den e caso aki, Gabinete Wever-Croes I. Riba peticion di Prome Minister, seΓ±or Paris ta trahando ainda te cu fin di december pa encarga di asuntonan pendiente y haci e traspaso debido. β€œE no ta algo cu ta ful finalisa ainda pero ora yega asina leu, e ora nos lo haci e anuncio oficial”, Prome Minister a indica.

Riba e pregunta si ya caba tin reemplasante pa seΓ±or Thijsen den Parlamento, Prome Minister a remarca cu lo sigui e proceso cu mester cana. Ora un parlamentario sali, tur esnan cu ta riba e lista prome cu n’e ta haya un oportunidad pa drenta Parlamento. Si nan no kier nan lo firma cu nan no kier y nan ta keda cu e funcion cu nan tin awor. E procedura ta un cu mester cuminsa ainda ora seΓ±or Thijsen entrega su retiro. β€œMientras tanto, nos a pidi seΓ±or Paris en todo caso pa keda te fin di aΓ±a pa nos tin tempo pa atende tur esaki. Nos no tin un deadline pero nos ta purba traha diligentemente riba dje si”, Premier Wever-Croes a duna di conoce.

 



Click here / Klik aki pa wak kuantu aktividat interesante e muchanan ta hasi https://www.facebook.com/Total-Care-Institute-454507071305043
Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: