Rᴇʟᴀᴛᴏ ᴅɪ ᴇ sɪᴍᴀɴ ²⁰ 𝙿𝚛𝚎𝚜𝚞𝚙𝚞𝚎𝚜𝚝𝚘


 

Rᴇʟᴀᴛᴏ ᴅɪ ᴇ sɪᴍᴀɴ ²⁰
𝙿𝚛𝚎𝚜𝚞𝚙𝚞𝚎𝚜𝚝𝚘
E siman ku a pasa tabata siman di Begroting, na papiamentu presupuesto.
Nos a trata e presupuesto den un komishon sentral ku otro palabra un komishon di preparashon pa bai reunion públiko.
E presupuesto aktual a wòrdu traha pa e gobièrnu anterior, pero manera bo sa, gobernashon ta kontinuashon. Aunke e gobièrnu aktual tin un otro programa di gobernashon, parlamento mester atendé e presupuesto di e pais. Na komienso di aña 2022, e Gabinete Pisas II lo hasi kambio den e presupuesto. Esaki nos ta yama 𝘀𝘂𝗽𝗽𝗹𝗲𝘁𝗼𝗶𝗿𝗲 𝗯𝗲𝗴𝗿𝗼𝘁𝗶𝗻𝗴.
Suppletoire begroting ta un proposishon pa trese kambio na e presupuesto ku ta na vigor e momento ei.
𝙺𝚒𝚔𝚘 𝚝𝚒𝚗 𝚍𝚎𝚗 𝚎 𝚙𝚛𝚎𝚜𝚞𝚙𝚞𝚎𝚜𝚝𝚘 ?
Laga mi splika bo un tiki kiko tin den e presupuesto di Kòrsou.
Den e presupuesto bo ta mira kiko kada ministerio i órgano di estado a presupuestá pa nan ministerio i órgano pa periodo di 1 aña.
Remarkabel ta ku un di e ministerionan ku mas sèn ta bai na dje ta GMN ku ta ministerio di salubridat. Mi ta kere nos tin ku kuminsá konsientisá nos pueblo pa traha riba biba mas salu i move mas tantu, entre otro hasi deporte. Nos sa ku mas salu un hende kome i mas tantu un persona move i hasi deporte mas salu su kurpa tambe lo ta. Inisiativanan manera tabata tin den pasado di sera algun kaya riba djadumingu pa habitantenan por a kana lo ta kosnan ku lo tin ku bini bek.
𝙳𝚒𝚔𝚘𝚗 𝚖𝚒𝚗𝚒𝚜𝚝𝚎𝚛𝚗𝚊𝚗 𝚗𝚘 𝚊 𝚙𝚛𝚎𝚜𝚎𝚗𝚝𝚊́ ?
Den e reunionnan aki no tabata tin hopi pregunta, mirando ku e presupuesto ta bai kambia.
Remarkabel pa hopi parlamentario ta tambe ku e ministernan no a presentá den e reunion. E ta un kustumber bèrdat ku for di
10-10-10 ministernan tabata presentá ora ta trata e presupuesto den komishon sentral, pero algun parlamentario di e zittingnan anterior tabata kuestioná esei pa motibu ku si nan hasi pregunta i e minister kontesta mesora den sala, e preguntanan kontesta dor di e minister konserní no ta bai den un relato. Esei ta algu ku nan tabata haña importante pa ora nan bai wak bek, nan haña nan preguntanan i kontesta di e ministernan den un relato.
E gobièrnu aktual a skohe pa haña e preguntanan via di un relato i nan lo kontesta parlamento bèk por eskrito. Esaki lo pone ku den futuro kualke miembro di parlamento lo por haña e pregunta i kontestanan hasi komo prueba den un relato.
𝙷𝚞𝚛𝚊𝚖𝚎𝚗𝚝𝚊𝚜𝚑𝚘𝚗 𝙾𝚖𝚋𝚞𝚍𝚜𝚖𝚊𝚗
Djárason nos tabata tin huramentashon di Ombudsman pa su di dos periodo. Sr Keursly Concincion a huramentá dilanti mi persona i den presensia di algun kolega parlamentario. Mi ta deseá sr. Concincion hopi forsa, sabiduria pa sigui desplegá su trabou komo defensor di pueblo den e di dos periodo aki.
𝚁𝚒𝚗𝚊 𝙿𝚎𝚗𝚜𝚘
Homenage na sra. Rina Penso
Riba su fecha natal 26 Òktober 2021 gobièrnu di Kòrsou a brinda homenage na e eminensia kultural Rina Penso. Señora Rina Penso a kumpli 94 aña. Si bo mira señora Penso bo no ta kere ku ta e edat respetá ei e tin. Sra Penso ta un aktris i kantante, e anochi ei mes nos por a disfrutá di su bos ora ku el a bai kanta huntu ku su kor.
𝙺𝚘𝚖𝚒𝚜𝚑𝚘𝚗𝚗𝚊𝚗 𝙵𝚒𝚑𝚘
Den e siman ku a pasa diferente komishon fiho a reuní pa papia ku entre otro instansianan. Komishon fiho di enseñansa a reuní ku entre otro “Homeschooling Association Curaçao” Komishon fiho di Finansa a reuní ku CFT , komishon di Rijks tambe a reuní i e komishon di kas “huishoudelijk” tambe tabata tin su reunion, ku manera bo ta korda, tur loke wòrdu papia den e reunionnan aki tin ku keda sekreto.
𝗡𝗼 𝗸𝗮𝗻𝘀𝗮 𝗱𝗶 𝗹𝗲𝘀𝗮, 𝗸𝗲𝗱𝗮 𝗸𝗼𝗻𝗲𝗸𝘁𝗮, 𝗶𝗻𝗳𝗼𝗿𝗺𝗮 𝗯𝗼 𝗺𝗲𝘀, 𝗽𝗮𝗿𝗹𝗮𝗺𝗲𝗻𝘁𝗼 𝘁𝗮 𝗯𝗼 𝗯𝗼𝘀 𝗶 𝗿𝗲𝗽𝗿𝗲𝘀𝗲𝗻𝘁𝗮𝘀𝗵𝗼𝗻 𝗱𝗲𝗺𝗼𝗸𝗿𝗮𝘁𝗶𝗸𝗮𝗺𝗲𝗻𝘁𝗲 𝘀𝗸𝗼𝗵𝗶́.
Por ultimo mi ke gradisi bo pa siguimi i keda na altura di e manera ku mi ta sirbi bo. Bo interes, reaskhon nan i palabra nan di aliento ta enkurashá mi pa sigui kere ku un miho Kòrsou ta posibel.
𝗦𝗸𝘂𝗰𝗵𝗮 𝗻𝗼𝘀 𝗿𝗲𝘂𝗻𝗶𝗼𝗻𝗻𝗮𝗻 𝘃𝗶𝗮 𝗿𝗮𝗱𝗶𝗼 𝗗𝗶𝗿𝗲𝗰𝘁 𝗟𝗶𝗳𝗲 𝟵𝟮.𝟭𝗙𝗠.
𝗕𝗼 𝗽𝗼𝗿 𝘄𝗮𝗸 𝗲 𝗿𝗲𝘂𝗻𝗶𝗼𝗻𝗻𝗮𝗻 𝘁𝗮𝗺𝗯𝗲 𝗟𝗜𝗩𝗘 𝘃𝗶𝗮 𝗱𝗶 𝗻𝗼𝘀 𝗙𝗮𝗰𝗲𝗯𝗼𝗼𝗸 𝗽𝗮𝗴𝗲 𝗽𝗮𝗿𝗹𝗮𝗺𝗲𝗻𝘁𝗼 𝗱𝗶 𝗞𝗼̀𝗿𝘀𝗼𝘂 𝗼̀𝗳 𝘃𝗶𝗮 𝗻𝗼𝘀 𝘄𝗲̀𝗯𝘀𝗶𝘁𝗲 𝘄𝘄𝘄.𝗽𝗮𝗿𝗹𝗮𝗺𝗲𝗻𝘁𝗼.𝗰𝘄
Lo mi apresia si bo konsidera pa komparti mi relato tambe riba bo plataforma.


Click here / Klik aki pa wak kuantu aktividat interesante e muchanan ta hasi https://www.facebook.com/Total-Care-Institute-454507071305043
Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: