𝘎𝘰𝘣𝘪𝘦𝘳𝘯𝘰 𝘥𝘪 𝘈𝘳𝘶𝘣𝘢: 𝗘 𝗗𝗜 𝗖𝗨𝗔𝗧𝗘𝗥 𝗔𝗚𝗘𝗡𝗗𝗔 𝗗𝗜 𝗘𝗛𝗘𝗖𝗨𝗖𝗜𝗢𝗡 𝗣𝗔 𝟮𝟬𝟮𝟭 𝗔 𝗞𝗘𝗗𝗔 𝗔𝗣𝗥𝗢𝗕𝗔 𝗘𝗡𝗧𝗥𝗘 𝗔𝗥𝗨𝗕𝗔 𝗬 𝗛𝗨𝗟𝗔𝗡𝗗𝗔

---

---

 

 

Gabinete Wever-Croes

𝘎𝘰𝘣𝘪𝘦𝘳𝘯𝘰 𝘥𝘪 𝘈𝘳𝘶𝘣𝘢:
𝗘 𝗗𝗜 𝗖𝗨𝗔𝗧𝗘𝗥 𝗔𝗚𝗘𝗡𝗗𝗔 𝗗𝗜 𝗘𝗛𝗘𝗖𝗨𝗖𝗜𝗢𝗡 𝗣𝗔 𝟮𝟬𝟮𝟭 𝗔 𝗞𝗘𝗗𝗔 𝗔𝗣𝗥𝗢𝗕𝗔 𝗘𝗡𝗧𝗥𝗘 𝗔𝗥𝗨𝗕𝗔 𝗬 𝗛𝗨𝗟𝗔𝗡𝗗𝗔

Un bes mas Aruba y Hulanda oficialmente a acorda e contenido di e Agenda di Ehecucion pa 2021 relaciona cu e trayecto di Landspakket di Aruba. Esaki a tuma luga den forma digital entre Secterario di Estado Raymond Knops y Minister-President di Aruba Sra. Evelyn Wever-Croes.

E Agenda di Ehecucion ta e di cuater agenda y e delastro pa aña 2021. Asina Aruba a demostra cu, no obstante e intensidad di e trabounan y retonan, nos pais ta cumpliendo den gran forma cu un di e condicionnan esencial. Un palabra di gradicimento ta bay pa tur profesional cu a traha dia y nochi pa logra e meta aki. Aruba por ta orguyoso di su ekipo local.

Por observa den e di cuater Agenda di Ehecucion pa 2021 cu varios investigacion a inicia of lo yega na nan conclusion. Durante e periodo aki a tene y lo ta teniendo varios ronda di consulta cu actornan clave. Esaki a base di colaboracion entre e ekipo di Aruba y Hulanda. Por indica tambe cu e informacion duna den e Agenda di Ehecucion ta un resumen di e totalidad di trabounan haci y tin como meta informa comunidad di e trayecto andando.

Den aña 2022 e trabounan lo sigui y asina lo ta trahando riba e prome Agenda di Ehecucion pa e aña ey.

E Agenda di Ehecucion ta un documento cu lo wordo refina continuamente. Esaki lo tuma luga den colaboracion estrecho entre paisnan.

Por indica cu Pais Aruba ta riba bon caminda y cu respet, madures y dedicacion, hunto nos lo recupera nos pais.

𝗔𝗚𝗘𝗡𝗗𝗔 𝗙𝗜𝗥𝗠𝗔:
Adhunto e link cu e agenda firma, entre Secterario di Estado Raymond Knops y Minister-President di Aruba Sra. Evelyn Wever-Croes.:
https://issuu.com/gabinetewev…/docs/agenda_di_ehecucion…

 

---

---