Gabinete Wever-Croes π ππ‘ππ¦π§ππ₯ ππ ππ‘π¦ππ‘Μππ‘π¦π π¬ πππ£π’π₯π§π ππ‘ππ¬ ππ₯π’ππ¦ π£π₯ππ¦ππ‘π§π π‘π πππ‘π¦ππ ππ‘π§π’ ππ ππ¨ππ π£π π π¨πππ π§ππ§π¨ππ: βππ¨πππ π£ππ‘πππ π πππ’β
Gabinete Wever-Croes
π ππ‘ππ¦π§ππ₯ ππ ππ‘π¦ππ‘Μππ‘π¦π π¬ πππ£π’π₯π§π ππ‘ππ¬ ππ₯π’ππ¦ π£π₯ππ¦ππ‘π§π π‘π πππ‘π¦ππ ππ‘π§π’ ππ ππ¨ππ π£π π π¨πππ π§ππ§π¨ππ: βππ¨πππ π£ππ‘πππ π πππ’β
En conexion cu siman di Festival di Buki pa mucha 2021
Dialuna mainta Minister Endy Croes a bishita Colegio Ora Ubao en conexion cu e siman di festival di buki pa mucha y a presencia lansamento di e buki na Papiamento; Buchi Penchi Malo skirbi pa Esmeralda Tromp β Jacobs, conoci pa nos muchanan como Tanchi EsmΓ©. E buki a wordo ilustra pa Armando Goedgedrag y publica pa e editorial Request Publishing. Presente na mainta special aki tabata coleganan; Prome Minister di Aruba sra. Evelyn Wever- Croes y Minister di Finansa y Cultura, sra. Xiomara Maduro. Den un bunita ceremonia yena cu alegria y energia e buki a wordo bendiciona pa Pader Jan.
Buchi Penchi Malo ta un fabula cu ta trata e importancia di evita di pensa y haci maldad, e importancia di pone meta pa logra algo den bida y e conscientisacion cu nos mester carga tur consecuencia di nos actonan. E storia tin varios siΓ±ansa entre otro e importancia di solo pa humanidad, e aspecto di pordona, mustra afeccion y dicidi pa scoge e bon caminda.
Por ultimo Minister Endy Croes ta felicita Tanchi EsmΓ© cu lansamento di un bunita buki den nos dushi idioma di Papiamento y gradici tur esnan cu a contribui cu e proyecto ta un realidad. Alabes e mandatario ta e gradici pa e invitacion, bunita presentacion y recepcion. Minister di EnseΓ±ansa ta desea tur scol hopi exito cu e siman di festival di buki pa mucha, ban sigui stimula nos muchanan pa lesa buki. Lesamento di buki ta enrikece bo inteligencia, vocabulario y ta siΓ±a bo hopi. Mas bo lesa mas bo sa, mas bo sa sabi bo ta.
You must log in to post a comment.