Gabinete Wever-Croes π£πΏπΌπΊπ² π πΆπ»πΆπππ²πΏ πππ²πΉππ» πͺπ²ππ²πΏ-ππΏπΌπ²π: π₯ππ¨π‘ππ’π‘ π§π₯ππ£ππ₯π§πππ§ ππ«ππ§π’π¦π’ ππ‘π§π₯π ππ₯π¨ππ, ππ’π₯π¦π’π¨ π¬ π¦ππ‘π§ π πππ₯π§ππ‘.
Gabinete Wever-Croes
π£πΏπΌπΊπ² π πΆπ»πΆπππ²πΏ πππ²πΉππ» πͺπ²ππ²πΏ-ππΏπΌπ²π:
π₯ππ¨π‘ππ’π‘ π§π₯ππ£ππ₯π§πππ§ ππ«ππ§π’π¦π’ ππ‘π§π₯π ππ₯π¨ππ, ππ’π₯π¦π’π¨ π¬ π¦ππ‘π§ π πππ₯π§ππ‘.
βππ°π΄ π’ π΄π’ππͺ π₯πͺ π³π¦πΆπ―πͺπ°π―π―π’π― π€πΆ π¦π―π¦π³π¨πͺπ’ π³π¦π―π°π£π’ π±π’ π©πΆπ―π΅π° π¦π―π§π³π¦π―π΅π’ π¦ π³π¦π΅π°π―π’π― π―π°π΄ π₯πͺππ’π―π΅πͺβ
Dialuna 8 di november 2021, a tuma luga e reunionnan Tripartiet entre Premier di Aruba, SeΓ±ora Evelyn Wever-Croes, Premier di Corsou, SeΓ±or Gilmar “Pik” Pisas y Premier di St Maarten, SeΓ±ora Silveria Jacobs. Hunto tambe den e reunionnan, tawata e Ministernan di Finansas di Corsou y Sint Maarten. Pa Aruba, Minister Xiomara Maduro a wordo debidamente representa pa Prome Minister y Minister Dangui Oduber.
Tawata un dia cu a wordo dedica completo na reunionnan pa intercambia informacion di e situacion di e paisnan, alinea e vision y strategianan y reforsa lasonan di cooperacion, amistad y hermandad entre e paisnan den Reino. Prome Minister di Aruba a expresa di ta sumamente satisfecho di con e reunionnan a bay y ta anticipa na e siguiente reunion entre e 3 premiernan di Reino.
βUn bon reunion caminda ta importante pa compronde con cada pais ta atendiendo cu e retonan financiero, Covid, cu Hulanda y economico pa asina wak unda nos por yuda otro y asina tur tres pueblo sali mas fuerte di esaki. Nos tawata tin un bon reunion cu temanan hopi importante y mi ta sigur cu na final di dia nos por mira bek atras riba un dia hopi fructiferoβ, Prome Minister a enfatisa.
Premiernan di Corsou a expresa nan gratitud na Aruba, Gobierno di Aruba y Premier Wever-Croes pa ta e anfitrion di e reunionnan cu a tuma luga.
Na final di e dia di reunionnan intenso, a tuma luga un conferencia di prensa en conhunto cu e Premiernan di Paisnan den Reino na unda prensa di Aruba, Corsou y Sint Maarten a haya e oportunidad di haci nan preguntanan na e Premiernan.
βNos ta mira atras riba un dia hopi intenso cu reunionnan hopi fructifero na unda palabracionnan concreto a wordo haci cu lo yuda nos den e relacion di cooperacion y hermandad. Nos a sali di reunionnan cu energia renoba pa hunto enfrenta e retonan nos dilanti. Mi ta convenci cu Aruba, Corsou y Sint Maartin den union y riba mesun linea lo logra hopi mas beneficio pa bienestar y progreso pa nos pueblonanβ, Prome Minister Evelyn Wever-Croes a expresa.
You must log in to post a comment.