PROMÉ MINISTER/MINISTER DI HUSTISIA SR. GILMAR PISAS A PRESENSIÁ E KONFERENSIA DI BESTUURLIJKE AANPAK VAN ONDERMIJNING.

PROMÉ MINISTER/MINISTER DI HUSTISIA SR. GILMAR PISAS A PRESENSIÁ E KONFERENSIA DI BESTUURLIJKE AANPAK VAN ONDERMIJNING.

 

Willemstad – Promé Minister / Minister di Hustisia Gilmar Pisas a presensiá e konferensia di “Bestuurlijke Aanpak van Ondermijning” na WTC dia 15 di novèmber 2021. 

 

E konferensia a tuma lugá dos dia: djaluna 15 i djamars 16 di novèmber 2021. 

E paisnan ku tabata presente tabata Kòrsou, komo anfitrion, Aruba, St. Maarten i Hulanda (inkluso islanan BES). 

Representante di, entre otro, diferente ministerio, Ministerio Públiko, Polis i “Financial Intelligence Unit” di e paisnan, a elaborá tokante desaroyonan den nan pais, e instrumentonan hurídiko ku ta disponibel pa e prosesonan di gobernashon kombativo kontra kriminalidat. E ta importante pa por tin kolaborashon i e nesesidat di interkambio di informashon entre e organisashonnan enbolbí.

 

Pa minimalisá krímen organisá esei lo logra solamente ku un struktura integral. Aserkamentu puramente penal di investigashon, persekushon i enhuisiamentu kontra krímen organisá, lo no ta sufisiente. 

Métodonan atministrativo gubernamental i preventivo ta nesesario pa gana e guera kontra krímen organisá. 

Métodonan atministrativo por tira lus por ehèmpel riba mantenshon di reglanan lokal i tambe duna direkshon tokante otorgamentu di pèrmit, evaluashon di integridat, supervishon i kòntròl. 

Esaki ta konta tambe pa kastigunan atministrativo gubernamental manera seramentu di lokalidatnan ku ta ser usa pa kriminalidat. 

 

E trabou konhunto di entre otro atministrashon, Polis, Hustisia i servisionan finansiero ta esensial den esaki, kaminda e  kompartimentu di informashon entre e servisionan por ser kordiná. 

Pa prevenshon e énfasis ta ser butá riba e sektor privá.

 

E konferensia tabata organisá pa Ministerio di Asuntunan Interno i Relashonnan di Reino,  i e ministrio di Hustisia i Seguridat. E tema tabata riba agènda di e siguiente Justitieel VierpartijenOverleg (JVO) di e ministerionan di Hustisia di e paisnan, ku ta tuma lugá dia 20 di yanüari 2022.

 

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: