OM a manda un mensahe pa komunidat No ekskluí hende sin dun’e otro alternativa.

 

OM a manda un mensahe pa komunidat

No ekskluí hende sin dun’e otro alternativa.

 

Siman pasá Ministerio Públiko (OM) a saka un komunikado kaminda OM ta splika ku ta akseptá ‘QR code’ òf un ‘PCR test’ negativo.  Un dia despues gobièrnu ta tene su rueda di prensa i no ta menshona nèt nada tokante esaki. Despues ku Trabou pa Kòrsou TPK (TPK) a pidi klaridat, OM a hasi korekshon na su komunikado.

 

Pero pa TPK, OM a purba manda un mensahe pa Minister Presidente, pero ni Minister Presidente, ni su tim di krisis, ni komunidat no a komprondé e mensahe. Na TPK su pareser, e mensahe ku OM a purba manda pa Minister Presidente, ta ku nos ta biba den un pais di derecho kaminda libertat no por wòrdu limitá asina fasil. Pero tambe ku separashon i/o segregashon, divishon o krea separashon di grupo no ta konforme prinsipionan demokrátiko. Ku otro palabra no por biba den un komunidat kaminda ta ekskluí hende.

Pesei na nos pareser OM a pone den su komunikado e alternativa di ‘PCR test’ negativo.  Di e forma aki lo a trese un mihó balansa den e forma ku ta atende ku libertat, moveshon siguridat di salú públiko.

 

E ‘QR code’ a krea divishon asta entre esnan bakuná.

E ‘QR code’ riba su mes a sòru pa mas separashon asta entre esnan kompletamente bakuná. Esnan kompletamente bakuná ku no ta hasi uso di un telefòn inteligente (smartphone) a wòrdu ekskluí. Ta parse manera ku a laga nan bentá un banda. Mayoria di e hendenan aki ta hendenan di edat ku a bakuná. Ta di lamentá ku ta trata nan di e forma aki.

Huntu ku esaki ya a keda demonstrá ku hende bakuná i no bakuná, tur 2 por wòrdu infektá ku Covid-19. Pesei TPK no ta kompronde e maneho di Minister Presidente i su tim, paso un mihó maneho lo tabata si a permití sea un ‘PCR test’ i/o un ‘antigeen test’ di menos ku 24 ora pa tur hende pa aktividatnan di riesgo haltu. Esei lo garantisá un aktividat praktikamente ‘covid free’ i/òf di menos riesgo i lo evitá e fenómeno di ‘spreading event’ o kualkier kluster. E maneho aktual no ta garantisá esaki lamentablemente.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: