Renobá bo pèrmit pa transporte públiko na tempu!

 

Renobá bo pèrmit pa transporte públiko na tempu!

 

Willemstad – Servisio pa Tráfiko i Transporte (UOVV) ta hasi un apelashon na tur persona ku tin un pèrmit pa sea bùs chikitu, taksi, ‘tourwagen’, òf eksonerashon pa transportá persona kontra di pago, pa nan laga renobá esaki na tempu. Mester kontrolá e fecha di vensementu ku tin riba e pèrmit. 

 

UOVV ta urgí tur persona ku tin nan pèrmit òf karchi komo ‘hulpbestuurder’ pa nan entrega nan petishon pa renobashon di nan pèrmit òf karchi un mínimo di 3 luna promé ku e fecha di vensementu.

 

Konforme nos lei di transporte públiko art. 2 ( AB 1992, no 7), tur persona ku ta transportá òf laga transportá persona kontra di pago mester tin un pèrmit, eksonerashon òf karchi komo ‘hulpbestuurder’ válido. Sin esaki, e persona ta hasiendo algu kontra di lei. No solamente esaki ta kastigabel segun lei, pero e ta trese tambe kuné ku si dado kaso algu pasa, seguro no ta kubri esaki i tur gastu ta bin pa e persona ku ta aktuando kontra di lei.

 

Ruta stipulá

Un apelashon ta bai na tur bùs chikitu i mediano pa nan mentene nan mes na e ruta stipulá riba nan pèrmit. Segun nos lei di transporte públiko (art. 16 lid 3 c) mester kore segun e ruta ku ta stipulá den e pèrmit. Kore fuera di ruta ta kastigabel.

 

Shòfur ousiliar

Tambe, UOVV ta rekordá tur persona ku tin pèrmit di sea bus òf taksi, ku si dado kaso pa kualke motibu nan mes no por kore, i ta laga otro persona kore, ku e persona aki tambe mester tin su karchi komo shòfur ousiliar ‘hulpbestuurder’ válido. Riba e karchi mester tin e number di bus òf taksi, i stèmpel di e Departamentu di Transporte Públiko riba dje, manera ta stipulá den lei di Transporte Públiko. Tene kuenta tambe ku art. 9 di e lei di transporte públiko ta indiká den kua kaso por hasi uso di un ‘hulpbestuurder.’ E motibu aki tambe ta wòrdu dokumentá ora ta firma pa un ‘hulpbestuurder’.

 

Mas informashon
Pa risibí tur informashon kon por apliká pa un petishon pa un pèrmit, eksonerashon, òf karchi komo ‘hulpbestuurder’, por tuma kontakto ku e Departamentu di Transporte Públiko via telefon 839-2149 òf 839-2147 òf via mail tp.uovv@gobiernu.cw

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: