Asina aki sí, nos no por sigui!

Dearly Jean-pierre Constancia

Komunikado di prensa.
Asina aki sí, nos no por sigui!
Segun ku nos ta klabando stakanan pa sera un kurá di kas, mi ta hisa mi kara i wak algu masha straño mes. Un landfil mas na Kòrsou. Trùk ta drenta, trùk ta sali. Pikòp ta drenta, pikòp ta sali i trafikashon eibanda tabata drùk. Mi a puntra un persona ta dikon e praktika nan aki ta na òrdu di dia. E kontesta tabata ku e preis pa sushi ta muchu karú.
E preis pa 1000 kilo ta 30 florin. Kemen si bo tin 12000 kilo ta 30×12= 360 florin. Ku otro palabra ta difisil pa un persona por kobra un persona ku e la limpia su kura e preis bèrdadero pa transportá sushi pa hiba landfil. Pasombra e preis ei lo No por paga landfil te pa e hende ku a transporta sushi por paga su gastunan i hasi un ganashi.
E pregunta mester ta, ta kon un landfil tabata funshona den pasado i kon e ta funshona den presente. Un landfil ta un kompania ku ta keda un sitio ku ta atende ku diferente tipo di sushi. Einan nan lo desasí di e shushinan ku nos ta trese. Tin diferente manera ku ta wòrdu usa pa esei. Sinembargo kosnan a kambia i sushi a haña un balor ekonomiko ku yama resiklahe. Nos konose tambe un luga yama skrapyard. Einan nos ta hiba heru bieu, aluminium, bateria di auto, telefon i mas. I e luga di skrapyard ta eksporta esakinan a kambio di sèn. I e luga ku kumpra e materialnan aki, lo resikla esakinan pa por traha diferente produktonam di uso.
Pues, landfil ku tabatin diferente gastunan pa por desasí di e sushinan, awor tin benefisio ku nos sushinan ku nos ta hiba landfil. Esei ta nifika ku e maneho di den pasado pa ku prosesa sushi lo mester wòrdu adapta di manera ku e komunidat ku ta hasi uso di landfil, lo wòrdu benefisia enbes di wòrdu perhudika.
Ta hopi aña tin ta diskutí riba e topiko aki pero ta tempu pa tuma akshon pa ku entre otro e preis di 30 florin pa 1000 kilo. Por oumentá e kantidat di kilo pa e mesun preis òf baha e preis pa 1000 kilo. Pasombra, tresiendo un prohibishon pa stop di tira sushi na otro sitionan lo No yuda ya ku e problema mes No ta wòrdu solushona.
Ta spera ku gobiernu lo trese kambio di preis i maneho na landfil di manera ku ta promove hende bai tira nan sushinan na landfill.
Dearly Constancia