Gran final di RBI 2021 entre Wild Cats/St. Michiel Dodgers  i Marchena Braves 

 

Gran final di RBI 2021 entre Wild Cats/St. Michiel Dodgers  i Marchena Braves 

 

WILLEMSTAD – Tur kos ta kla pa e gran final di RBI 2021 patrosiná pa Maduro & Curiel’s Bank kuminsando djabièrnè dia 10 di desèmber pa 7or den Tio Daou Ballpark. E final lo bai entre Marchena Braves i  Wild Cats/St. Michiel Dodgers den un seri di ‘Best of Three’. Den fin di siman tras di lomba tabatin e serienan di semifinal. Weganan a kuminsá for di djabièrnè i kulminá djadumingu pa asina tin e dos ekipo nan den e gran final. E promé seri a bai entre Sta. Rosa Indians i Marchena Braves. Braves tabata simplemente e mihó ekipo di e seri aki ganando e dos weganan ku skor di 17-0 i 10-4 pa asina gana e mihó di tres wega 2-0. Den e otro seri Wild Cats/St. Michiel Dodgers a sorprendé e faboritonan Firebirds Padres. E promé wega djabièrnè anochi Padres a gana Dodgers ku skor di 4-1. Djasabra Dodgers a bòns bek i gana ku skor di 3-1 igualá e seri an 1-1 i asina forsa un wega desisivo djadumingu. Un wega ku e ekipo di Wild Cats/St. Michiel Dodgers a gana ku skor grandi di 10-3 pa gana e seri aki tambe di mihó di 3, 2-1 i asina pasa pa e gran final kontra Marchena Braves. 

Tabata djabièrnè anochi despues di e promé wega ku a premia esnan ku a sobresalí individualmente durante kampionato di RBI 2021.  

MIHO BATEADOR: NAHIEM MUTUEEL (WILD CATS/ST MICHIEL DODGERS)  => 12 WEGA HUNGA; 17 HIT DEN 35 TURNO; AVG. 0.486

MIHO PITCHER: JAYDON GOSEPA (ROYAL SCORPIONS CARDINALS) => MIRA AKSHON KOMO PITCHER DEN 5 WEGA; 14 INNING  PITCHA; 3 GANA 0 PERDI; PONCHA 30 BATEADOR; ERA 0.50

HOMERUN KING: NAJEARLON REINILLIA (GROOT KWARTIER ASTROS) => 12 WEGA HUNGA; 14 HIT DEN 32 TURNO; 2 HOMERUN; AVG. 0.438

 RODMAR ANGELA (STA ROSA INDIANS) => 12 WEGA HUNGA; 10 HIT DEN 29 TURNO; 2 HOMERUN; 

AVG. 0.345

MAS BASE ROBA:

CLYRON FRANKLIN (MARCHENA BRAVES)=> 12 WEGA HUNGA; 

12 BASE ROBA DEN 12 ATENTO; 

MIHO HUNGADO DEFENSIVO:

JARED VEERIS (GROOT KWARTIER ASTROS)  => 12 WEGA HUNGA;  DEN 63  INNING  – 83  TOTAL CHANCES – 68 PUTOUTS – 16 ASSISTS; KOMETE 1 ERROR; FIELDING %  0.988

MVP:

RIANGELO WINDSTER (FIREBIRDS PADRES) => 12 WEGA HUNGA;  14 HIT DEN 31 TURNO; AVG. 0.452; 11 BASE ROBA DEN 14 ATENTO; DEN 65 INNING  – 26 TOTAL CHANCES – 25 PUTOUTS -FIELDING %  1000

E organisashon di RBI 2021 huntu ku spònser prinsipal MCB ta spera ku un i tur lo akudí na Tio Daou Ballpark kuminsando djabièrnè dia 10 di desèmber pa 7or pa e inisiá di e gran final entre Wild Cats/St. Michiel Dodgers i Marchena Braves pa asina apoyá nos hóbennan. Wega di djasabra ta 3or pm i si ta nesesario djadumingu tambe 3or.

This site uses Akismet to reduce spam. Learn how your comment data is processed.

%d bloggers like this: