‘Ho Ho Holidays Finds’ na Renaissance Mall & Rif Fort

Un ambiente navideño sin igual: 

‘Ho Ho Holidays Finds’  na Renaissance Mall & Rif Fort 

 

WILLEMSTAD – Fin di aña a yega i nos tur ta preparando pa selebrá dianan kontentu ku famia, i naturalmente habri regalonan ku ta pone un sonrisa riba nos kara. Un paseo di kompra ku sigur bo no por pèrdè ta e ‘Ho Ho Holidays Finds’ di Renaissance Mall & Rif Fort. Akinan lo bo por kumpra e ‘regalito’ pa bou di kèrstbom pa kualke miembro di famia, amigu- i koleganan. Lo tin 2 fecha pa ‘Ho Ho Holidays Finds’, esakinan ta 11 i 18 di desèmber próksimo, kuminsando for di 10’or di mainta!

Lo tin 10 booth spesialmente p’esaki i tur establesimentu lo tin artíkulonan bunita pa regalá bo sernan kerí pa e dianan di fiesta benidero! Un kariño bou di kèrstbom no mester ta grandi, ni kostoso pero di gran nifikashon! ‘Ho Ho Holidays Finds’ ta netamente esei. Renaissance Mall & Rif Fort ta invitabo pa un paseo di kompra den un berdadero ambiente navideño ya ku Renaissance Mall & Rif Fort e aña aki a pèrkurá pa regalá Kòrsou su ambiente navideño kustumbrá. Ta invitá tur bishitante pa saka nan potrèt na e bunita dekorashon ku tur aña di nobo ta yena nos kurason ku húbilo. Kompartí e alegria di fin di aña riba retnan sosial i ‘tag’ Renaissance Mall & Rif Fort. ‘Ho Ho Holidays Finds’ lo ta riba 11 i 18 di desèmber for di 10’or mainta pa 6’or di atardi. Pa mas informashon por bishita e página di Facebook di Renaissance Mall & Rif Fort.