Kòrsou a risibí su kampionnan di Liganan Grandi Gobièrnu ta gradisí tur ku a duna aporte pa a risibí nos peloteronan kampion di Liganan Grandi

Kòrsou a risibí su kampionnan di Liganan Grandi
Gobièrnu ta gradisí tur ku a duna aporte pa a risibí nos
peloteronan kampion di Liganan Grandi

WILLEMSTAD – Gabinete Pisas den su totalidat huntu ku representashon di Parlamentu a risibí e
Kampionnan di MLB 2020 /2021 i a duna nan honor entregandonan un trofeo i plaka komo
muestra di apresio pa na hazañanan den e mundu deportivo. Gobièrnu di Kòrsou dianan 5 i 6 di
desèmber 2021 a risibí dos pelotero yu di Kòrsou ku a sabi di konkista e título máksimo di
kampion ‘Mayor League Baseball World Series’.
Konforme e maneho di Minister di Enseñansa, Siensia, Kultura i Deporte sr. Sithree van Heydoorn
nos ta duna rekonosementu na nos mes hendenan i pa es motibu aki a risibí nos kampionnan di MLB
sr. Kenley Jansen i sr. Ozhaino (Ozzie) Albies ku tur honor.
Dia 5 di desèmber 2021 a yega Kòrsou e kampion Mayor League Baseball World Series 2021 sr.
Ozhaino (Ozzie) Albies i riba dia 6 di desèmber 2021 a yega e kampion ‘Mayor League World Series’
2020 sr. Kenley (KJ74) Jansen.
Pa loke ta trata e yegada na Kòrsou di sr. Ozhaino Albies Gobièrnu a risibí Ozzie ku un seremonia
sigui pa un parada ku a terminá na e tereno kaminda tur kos a kuminsá, esta na vèlt di Chofi na
Koraalspecht.
Sr. Kenley Jansen a keda risibí segun su deseo ku un seremonia na aeropuerto na Jet Centre.
Gobièrnu di Kòrsou ta gradisí tur persona i instansia ku a duna nan aporte pa e aktividatnan ariba
menshoná por a keda realisá. Ta trata di sra. Iva Coran, representante di famia Albies, sra. Judaris
Albies (mama di Ozzie), sr. Manfred Gomez representante di sr. Jansen, Ofisina di Turismo di Kòrsou
(CTB), Famia di Kenley Jansen, sra. Roxienne Albertina, Fundashon Desaroyo Deportivo Korsou,
Aqualectra, Bureau Telecommunicatie & Post, Flow, Kantor di Number Tu y Yo, Jet Centre Curaçao,
Sentro di Detenshon i Korekshon Kòrsou, sr. Lipo Elhage, dòkter Wallid Elhage, Korant Extra, Kortijn
Ijs, restaurant Boka’s na Mambo Beach, Union Deportivo Koraalspecht, De Jongh Sporthuis,
Saserdote Curtis Meris, Pastor Remy Juliet, sr. Kenneth Gijsbertha, sra. Jessica Damon i sr. Ceasar
Rodriguez. Un danki na kada un di boso pa e aporte i esfuerso den e aktividatnan di e dos dianan
aki.
Gabinete Pisas ta sigui kere den nos mes hendenan i duna rekonosementu na nan paso kada aporte ta
kontribuí na formashon i konstrukshon di pais Kòrsou.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: