Kontrol di vuurwerk riba un establesimentu riba Caracasbaaiweg

Willemstad: Den oranan di djaluna atradi team multi disiplianrio a hasi un kontrol riba benta di vuurwerk na un establesimentu riba Caracasbaaiweg. A bin tuma nota ku tin vuurwerk destina pa hende riba 18 aña den tas ku ta bende pa mucha. A ordena pa saka tur e tasnan for di den reki pa wordu bendi i pone nan patras den magazijn bek. Mester pasa den tur e tasnan i pone loke ta spesifikamente pa mucha aden. Tambe a bin tuma nota ku tin vuurwerk di aña 2011 i 2013 ku tambe mester a wordu saka for di reki.