Skol ta habri bèk 10 di yanüari i tur personal di skol ta haña oportunidat pa tuma nan ‘Booster shot’  Entre 4 pa 8 di yanüari por pasa na SDK di 14:00 pa 17:00.

 

 

Skol ta habri bèk 10 di yanüari i tur personal di skol ta haña oportunidat pa tuma nan ‘Booster shot’ 

Entre 4 pa 8 di yanüari por pasa na SDK di 14:00 pa 17:00.

WILLEMSTAD – Minister di Enseñansa, Siensia, Kultura i Deporte (ESKD) sr. Sithree van Heydoorn den estrecho komunikashon ku e tim di Maneho di Krisis i den kontakto ku Direktiva di Skolnan a tuma e desishon pa habri skol bèk dia 10 di yanüari próksimo, na lugá di dia 6 di yanüari 2022. E desishon aki a keda tuma pa asina por revisá e protokòlnan eksistente i inventarisá e personal di skolnan ku ta infektá ku COVID-19 i alabes duna oportunidat pa personal di skol por tuma nan ‘Booster shot’.

For di momentu ku e variante nobo Omicron a bira konosí minister di ESKD, manera ya a ser indiká ta den kontakto direkto ku e tim di Maneho di Krísis pa tuma e mihó desishon pa nos enseñansa pero tambe pa trata mas tantu posibel pa evitá posibel kasonan di kontagio na skolnan.

Na mes momentu ta anunsiá ku tur dosente, maestro, personal atministrativo i personal no dosente ta haña oportunidat for di 4 di yanüari te ku djasbara 8 di yanüari 2022, di 14:00 pa 17:00 pa risibí “Booster Shot” na SDK. Lo tin un fila separa pa personal di Enseñansa.

Mas informashon relashoná ku komienso di skol, ta sigui riba djarason 5 di yanüari 2022.

Sr. Sithree van Heydoorn

Minister di Enseñansa, Siensia, Kultura i Deporte

Share this page to Telegram

This site uses Akismet to reduce spam. Learn how your comment data is processed.

%d bloggers like this: