Promé minister gilmar pisas reuní ku e tim di maneho di cmc
Promé minister gilmar pisas reuní ku e tim di maneho di cmc
Willemstad – Promé Minister Gilmar Pisas, huntu ku e Tim di Krisis, a reuni ku e Tim di Maneho di CMC dia 7 yanüari 2022.
E Tim di Maneho di CMC a keda representá pa srs. Gilbert Martina (CEO CMC, Ingemar Merkies (Direktor Médiko i Neurólogo na CMC) i sra. Karina Lombardi (CFO CMC).
Durante di e reunion aki e Tim di Maneho di CMC a haña e oportunidat pa duna mas informashon riba e situashon aktual pa ku COVID na CMC.
A diskutí amplio riba kua ta e posibel solushonnan pa ku e situashon aktual.
E situashon aktual ta hopi delikado, pero Promé Minister a indiká ku Gobièrnu di Kòrsou tin kompleto atenshon pa ku e situashon i lo hasi tur loke ta posibel pa evitá ku e situashon por empeorá.
E reunion a kana den un bon esfera.