Site icon KIKO TA PASANDO NOTISIA I INFORMASHON

Filial na Sambil lo ta será te próksimo aviso: Banco di Caribe ta adaptá orario di tur filial

Advertisements

 

Filial na Sambil lo ta será te próksimo aviso: Banco di Caribe ta adaptá orario di tur filial

 

WILLEMSTAD: Banco di Caribe ta informá su klientenan ku entrante djamars dia 11 di yanüari 2022, su  ofisina prinsipal na Saliña i filialnan na Otrobanda i Sta. Maria lo ta abrí segun orarionan adaptá di 8 AM pa 12 PM. E filial na Sambil lo ta será te un próksimo aviso. Ta pidi pa klientenan tuma nota ku Banco di Caribe na Saliña, Otrobanda i Sta. Maria lo ta abri únikamente pa servisio di kaha, buska tarhetanan di banko i pa buska token di BdC Online. Tur esnan ku lo mester di asistensia personal por manda un email na info@bancodicaribe.com òf yama banko su Servisio na Kliente na 432 3200 .

 

Wèpsait i BdC Online ta fásil i mas lihé!

Banco di Caribe ta apelá na su klientenan pa hasi uso di su plataforma digital pa regla asuntunan bankario. E ta fásil i mas lihé ya ku e ta den komodidat di bo kas òf ofisina. Bishitá http://www.bancodicaribe.com pa Online Banking òf aplikashon digital bankario pa un fiansa, tarheta di débito òf krédito, MultiCard, servisio di SMS Alert òf BdC Online.  Tambe ta rekomendá pa hasi uso di mashinnan di ATM di Banco di Caribe ku ta stratégikamente posishoná riba nos isla i fásilmente aksesibel. 

 

Banco di Caribe ta suprayá ku e medidanan relashoná ku COVID-19 ta vigente den tur filial i pa esaki ta pidi koperashon pa tene e distansia sosial rekerí i sigui instrukshon adishonal di e kuerpo di seguridat. Porfabor no bishitá banko si esaki no ta nesesario. Tambe, ta pidi indulgensia si na momento di reforsá e medidanan, e proseso den banko por dura un poko mas ku normal; lo permití únikamente un sierto kantidat di hende simultaniamente den e filial.  Ta pidi pa tur hende kuida kurpa i asumí nan responsabilidat sosial siguiendo instrukshon di outoridatnan ofisial. 

 

Exit mobile version