Djaluna 17 yanüari ta anunsiá e desishon definitivo di dianan di vakashon eskolar relashoná ku Karnaval 2022

 

 

WILLEMSTAD – Minister di Enseñansa, Siensia, Kultura i Deporte (ESKD) sr. Sithree
van Heydoorn ta informá ku pa djaluna 17 di yanüari próksimo, ta anunsiá e desishon
relashoná ku dianan di vakashon eskolar pa ku e periodo di Karnaval 2022. E
proposishon/desishon anunsiá dia 6 di yanüari último a keda tuma mirando ku e
pandemia di COVID-19 a krea un retraso substanshal den enseñansa.
Ta di importansia pa tene kuenta ku vários aspekto pa tuma e mihó desishon pa evitá ku
nos muchanan no ta sufri mas retraso ku nan enseñansa, pa motibu di e situashon di
Pandemia. Ministerio den su totalidat ta den diálogo kontinuo i meskos e dianan aki i
meskos e komishon di fakansi di skol pa yega na e mihó desishon kaminda e interes di e
studiante, dosente, mayor i komunidat kompletu ta keda salbaguardiá.
Komo titular enkargá ku enseñansa mi a pidi konseho hurídiko pa asina nos kana e
kaminda konforme nos leinan. Pa asina no tin violashon di lei, pero tampoko di e derechi di
ningun hende. Alabes mester para ketu na e hecho ku pais ta den un situashon di krisis i
kada un di nos di un forma of otro ta ser perhudiká, pero huntu nos ta sobreviví i sali
dilanti. Ban sigui kumpli ku medidanan di prekoushon i sigui kuida den e periodo aki.
Mi ta deseá tur studiante, dosente, mayor i komunidat kompletu, un komienso di skol
fruktífero djaluna próksimo, tur hende keda trankil pa asina nos por tuma e mihó desishon
kual lo keda anunsiá manera ya informá djaluna 17 yanüari próksimo.

Sithree van Heydoorn
Minister di Enseñansa, Siensia, Kultura I Deporte

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: