ELEKSHON DI KAMARA DI KOMERSIO DI DIA 17 DI YANUARI POSTPONE PA DJAWEPS, DIA 27 DI YANUARI 2022

 

 

ELEKSHON DI KAMARA DI KOMERSIO DI DIA 17 DI YANUARI POSTPONE PA DJAWEPS, DIA 27 DI YANUARI 2022

 

WILLEMSTAD – Relashoná ku e desaroyonan resien den kontagio haltu ku e vírus di COVID-19, Kámara di Komersio a disidí pa posponé e dia di votashon, kual tabata programa pa dia 17 di yanüari benidero, te ku djaweps dia 27 di yanüari 2022 próksimo. E oumento drástiko den e kantidat di kontagio i posibel riesgo haltu di kontagio pa partisipantenan na e votashon ta e motibu ku despues di un evaluashon amplio, a keda disidí pa hala e dia di votashon pa dia 27 próksimo.

 

Segun prosedura, e yamada ku votadónan a risibí pa partisipashon djamars 17 di yanüari na e votashon ta keda válido pa dia 27 di yanüari 2022. E dia ei, bou di ouspisio di e Komishon di Elekshon independiente, lo tene e votashon pa eligí un miembro mas di direktiva den representashon di empresa chikí. Pa un (1) vakatura tin dos (2) kandidatonan, kual ta kousa ku mester tene un votashon. E kandidatonan ta sra. M.M.C. Pandt i sr. O.P.S. de Souza. 

 

Manera ta regla, tur aña tres di e nuebe miembronan di Kámara di Komersio ta baha, segun skema. Esei ta trese kuné ku e temporada aki tambe ta teniendo elekshon pa eligí tres miembro di direktiva. 

Anteriormente na komienso di e proseso di elekshon na luna di novèmber 2021 dos miembro di direktiva, kendenan ta sr. Marcos Cova i Arthur Rosaria, a keda eligí pa medio di nan kandidatura den representashon di empresa grandi. Elekshon pa medio di kandidatura ta tuma lugá na momento ku no tin mas kandidato ku tin funshon vakante. Pa e dos funshonnan vakante tabatin e dos kandidatonan menshoná, kendenan pues a keda eligí.

 

Kámara di Komersio ta ofresé su diskulpa pa kalke inkumbiniensia ku e kambio di fecha di votashon pa dia 27 di yanüari próksimo por (a) kousa, pero ta kere firme ku ta mihó tene e votashon riba un fecha ku ta mas adekuá i ménos riesgoso pa partisipantenan, miéntras ku alabes ta adaptá e proseso interno di moda ku dia 27 di yanüari lo por partisipá na e votashon sin of ku ménos riesgo ku ta posibel.

 

Pietermaai, 13 di yanüari 2022

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: