Vehikulo ku tabata pone ‘fever’ konfiská

 

KOMUNIKADO DI PRENSA 020 /2022
15 yanüari 2022
Vehikulo ku tabata pone ‘fever’ konfiská
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Polis a konfiská un vehíkulo, den e kaso aki un outo, ku tabata bisto riba imágennan ku polis
a risibí, ku tabata pone ‘fever’ na diferente sítio aki na Kòrsou.
Ta e intenshon pa bai sigui konfiská mas di e vehíkulonan aki, di manera ku ta inisiá e
proseso pa pidi korte via di Ministerio Públiko, pa pone e vehíkulonan aki na disposishon di
estado.
Na momentu ku e petishon aki keda honrá, estado ta tuma un desishon kiko ta sosodé ku e
vehíkulonan aki.
Den mayoría kaso e vehíkulonan aki ta keda destruí i asina ei definitivamente wòrdu saká
for di sirkulashon.
E yamada un bia mas ta bai na ponedónan di ‘fever’ pa no hasi esaki riba kamindanan
públiko, na unda bo ta kore rísiko grandi di pèrde bo propiedat.