Ta urgente pa bin ku un Plan Nashonal pa atendé ku Covid-19  Atendé solamente ku kontagio, no ta nifiká ku ta atendé ku tur aspekto di salú humano.

 

 

Ta urgente pa bin ku un Plan Nashonal pa atendé ku Covid-19

 Atendé solamente ku kontagio, no ta nifiká ku ta atendé ku tur aspekto di salú humano.

 

Den e rueda di prensa Promé Minister a atendé solamente ku medidanan pa evitá kontagio dor di limitá e siudadano den su libertat di moveshon. Esaki no ta sufisiente pa atendé ku tur aspekto di salú di hende. Mester atendé ku salú di forma integral: emoshonal, spiritual, mental, sosial, laboral, finansiero etc.. Esaki no ta sosodé i e pueblo no ta haña e guiá nesesario.

 

Kiko ta e perspektiva pa pueblo

Manera nos a trese dilanti anteriormente den nos komunikadonan  di desèmbèr 2021 i e luna aki, tin hopi rabia i frustrashon den komunidat, meskos ku na otro paisnan di mundu, ku ta kondusí na desobedensia sivil manera tiramentu ku mashingùn den aire; fever rònt Kòrsou pa mustra ku por, hendenan riba Facebook ku ta menasá polis, ets. 

 

Plan Nashonal pa atend’e ku Covid:

  • Instalá un Tim di profeshonal multi disiplinario pa konsehá riba medidanan, teniendo kuenta ku komportashon humano

PIN ta bolbe úrgi Komandante en Hefe pa nòmbra un tim multi-disiplinario pa konsehá banda di e medidanan pa maneha e viro, riba aspektonan di komportashon humano. E tim por keda ampliá ku entre otro: sientífikonan den área di komportashon humano manera un sosiólogo, un sikólogo, i un trahadó sosial, pero tambe ku aktornan den área di ekonomia i labor.

 

  1. Traha un “Plan Nashonal kon pa biba ku Covid pa tempu largu

PIN ta ripití su konsehonan anterior na Komandante en Hefe, esta pa traha un Plan Nashonal pa kon biba ku Covid-19 pa tempu largu. Esaki huntu ku e tim multidisiplinario, e diferente ministerionan di gobièrnu; sektor empresarial, spesífikamente HORECA i farándula, sektor sindikal, sektor di arte i kultura, sektor di deporte, representashon di fèlt di enseñasa, konseho di iglesia, ets.. Meta di e plan mester ta, pa determiná huntu kriterianan ki ora ta implementá kua medida pa hasi nos komunidat bibabel pa tur hende.  Den e ehersiso aki por atendé ku issuesnan rondó di enseñasa, problemanan den área di labor, ets. Sekretariado di SER lo por keda enkargá ku e tarea di logístika i formulashon di e plan.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: