MINISTER DI HUSTISIA GILMAR PISAS A TENE MAS KU 28 REUNION NA TUR KU E SINDIKATONAN NAPB, SAP, STRAF I ABVO DEN 7 LUNA

MINISTER DI HUSTISIA GILMAR PISAS A TENE MAS KU 28 REUNION NA TUR KU E SINDIKATONAN NAPB, SAP, STRAF I ABVO DEN 7 LUNA

 

Willemstad – Promé Minister / Minister di Hustisia Gilmar Pisas i su kolaboradornan a tene na tur mas ku 28 reunion ku e sindikatonan NAPB, SAP, STRAF i ABVO ku ta representá trahadonan den e Kadena Hudisial.

 

E la bira un kustumber ku asina Minister di Hustisia pidi pa kanselá un òf dos reunion ku e grupo di sindikatonan ariba menshoná, tin di skucha na e medionan di komunikashon kon e presidente di NAPB ta sali bisa ku e Minister di Hustisia aktual no tin tempu pa atendé ku e asuntunan di e Kadena Hudisial i ku awor si mester bini un minister ku ta solamente disponibel pa e Kadena Hudisial.

 

E aktitut aki di parti di e presidente di NAPB, sra. Thaise Isidora-Lo-A-Njoe, ta birando inakseptabel, mirando kuantu tempu e Minister di Hustisia aktual ta tuma pa e reuní ku sea kada un di e sindikatonan aki separá òf ku tur e sindikatonan aki huntu, pa atendé varios asuntu ku pa hopi aña no a haña e atenshon nesesario serka niun Gobièrnu di turno.

Minister di Hustisia Gilmar Pisas a hasta introdusí e tripartite entre Minister di Hustisia, Kuerpo Polisial (KPC) i sindikatonan, kaminda ya e struktura aki ta kosechando hopi bon resultado pa ku e kantidat di situashonnan ku tin den Kuerpo Polisial (KPC).

 

Na aña 2017 tabata e propio Minister di Hustisia aktual, Gilmar Pisas, ku a duna atenshon i atendé diferente asuntu den e Kadena Hudisial durante di e tres luna ku Gabinete Pisas I tabata tei.

E situashon aki a ripití su mes for di momentu ku Gabinete Pisas II a drenta Gobièrnu!

 

Basa riba e lista ku ta manda athunto por tuma nota ku for di 23 di yüli 2021 te ku 28 yanüari 2022 e Minister di Hustisia aktual:

  • a sinta total 20 biaha ku e sindikatonan NAPB, SAP, STRAF i ABVO;
  • e miembronan di e Kabinèt di Minister di Hustisia a sinta 8 biaha ku e sindikatonan NAPB, SAP, STRAF i ABVO.

Pues na tur a tene 28 reunion ku e sindikatonan, kaminda e Gobièrnu aki tin solamente 7 luna aktivo. Esaki ta un promedio di 4.6 reunion pa luna.

 

A yega e momentu ku sindikatonan tin di komprondé ku un minister tei pa sirbi Pais na promé lugá. Den kada Ministerio tin esnan ku ta responsabel pa atendé ku kualkier asuntu di trabou, maneho i òf personal pa ku kada instansia/departamentu ku ta resortá bou di e Ministerio di Hustisia.

Minister di Hustisia tin di traha tempu pa atendé ku asuntunan di Polis, pero tambe haña espasio pa por atendé ku tur otro asuntu ku ta regardá e maneho general di e Ministerio di Hustisia den su totalidat i e bon funshonamentu di e Ministerio di Hustisia.

 

REUNIONNAN DI MINISTER HUSTISIA GILMAR PISAS KU SINDIKATONAN

Aña 2021

23 yüli 2021 ABVO: na Fòrti tokante Intakers

26 yüli 2021 NAPB: kaso Wijkteam Montaña

5 ougùstùs  2021 ABVO: tokante SDKK

6 ougùstùs 2021 NAPB: tópiko general riba Kadena Hudisial

10 ougùstùs 2021 NAPB: tópiko general riba Kadena Hudisial 

16 sèptèmber 2021 NAPB: tokante  KPC

22 sèptèmber 2021 SAP: tópiko general riba Kadena Hudisial 

28 sèptèmber 2021 NAPB -STRAF- ABVO -SAP: tópiko general riba Kadena

 Hudisial

30 sèptèmber 2021 NAPB: tokante Interpol

5 novèmber  2021 ABVO: tokante Brandweer

5  novèmber  2021 ABVO: tokante SDKK

11 novèmber 2021 NAPB -STRAF-SAP- ABVO: tokante ORV

12 novèmber 2021 Kontinuashon  NAPB -STRAF-SAP-ABVO: tokante ORV

25 novèmber 2021 NAPB -STRAF-SAP-ABVO: tokante KPC

1 dezèmber 2021 NAPB -STRAF-SAP-ABVO: tokante KPC

9 dezèmber 2021 Kontinuashon e reunion tokante KPC

16 dezèmber 2021 ABVO -NAPB- STRAF-SAP: tópiko general riba Kadena

Hudisial

23 dezèmber 2021 ABVO: tokante Brandweer

                             Aña 2022

13 yanüari 2022 NAPB-ABVO-STRAF-SAP:  tópiko general riba Kadena 

Hudisial

28 yanüari 2022 NAPB-ABVO-STRAF-SAP: tokante LBD

 

REUNIONNAN KU KABINÈT DI HUSTISIA A TENE KU SINDIKATONAN 

NA NÒMBER DI MINISTER DI HUSTISIA

Aña 2021

7  yüli 2021 ABVO: tokante Crisisteam

8   yüli 2021 ABVO: tokante SDKK

15 yüli  2021 STRAF: tokante LBD i general

22  yüli  2021 NAPB: tópiko general riba Kadena Hudisial 

23  yüli 2021 SAP: tópiko general riba Kadena Hudisial 

30  yüli 2021 ABVO : tokante SDKK i tópiko general riba Kadena 

Hudisial

7  óktober 2021 SAP: tópiko general riba Kadena Hudisial

10 dezèmber 2021 ABVO: tokante Brandweer

Share this page to Telegram

This site uses Akismet to reduce spam. Learn how your comment data is processed.

%d bloggers like this: