Ministerio di Desaroyo Ekonómiko ·Lus bèrdè pa ku trabounan di renobashon di Plasa Nobo.

Ministerio di Desaroyo Ekonómiko

Lus bèrdè pa ku trabounan di renobashon di Plasa Nobo.
Djabièrnè último, minister Cijntje huntu ku MEO a reuní ku representantenan di OBNA, Fundashon Marshe i CTB pa asina konkretisá e plannan den kuadro di renobashon i mantenshon di Plasa Nobo.
E trabounan lo kuminsá pronto ku e meta pa modernisá e plasa, halsa e nivel di seguridat tantu pa e usuario komo e bishitante i tambe mehorá e parti di higiena. MEO huntu ku OBNA ta esnan enkargá pa garantisá ku e trabounan ta kana bon i den e tempu palabrá.
E proseso di renobashon i mantenshon ta sosodé den estrecho koperashon ku Fundashon Marshe, di moda ku por kanalisá pa esaki kousa ménos molèster posibel pa tantu e trahadó komo e bishitante di Plasa Nobo durante e periodo akí.

This site uses Akismet to reduce spam. Learn how your comment data is processed.

%d bloggers like this: