Minister di Desaroyo Ekónomiko, sr. Ruisandro Cijntje a sera konosí ku sr. Victor Arrelano di Universal Music Group durante di su bishita na Bogotá, Colombia.

 

Minister di Desaroyo Ekónomiko, sr. Ruisandro Cijntje a sera konosí ku sr. Victor Arrelano di Universal Music Group durante di su bishita na Bogotá, Colombia.
Durante di e enkuentro a deliberá riba e diferente oportunidatnan pa Kòrsou riba e area di turismo di
evento.
sr. Arrelano a informá minister di algun festival grandi ku a tuma luga den aña 2022 na Colombia ku
alrededor di 88.000 bishitante. sr. Arrelano a enfatisá ku e pandemia a hisa e interes na festivalnan di
musika awor ku paisnan rönt mundu ta suavisá medidanan en konekshon ku e pandemia di covid-19.
Minister Cijntje a indiká ku esaki ta trese pa Kòrsou e oportunidat pa sigui organisá festival i evento di musika tantu pa nos artistanan lokal komo internashonal ku alabes ta promové turistanan pa bishitá nos isla.
Tambe Arrelano a ekspresá interes di Universal Music Group pa sigui graba mas videoclip ku artista nan di universal of artistanan den desaroyo ku ta algu ku nan a bin ta hasi kaba den estrecho koperashon ku CTB.
Minister Cijntje a finalisá e enkuentro dor di gradisí sr. Arrelano pa su disponibilidat pa traha ku pais
Kòrsou i pa sigui promové nos pais a traves di musika.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: