Despues di informashon risibí di FEBEKO direktiva di CSB a sinta ku su miembronan pa informá di e intenshon di Baseball femenino, E proseso a tuma su  tempu. Awor ku  CSB ta kla ku e proseso interno nos ta saka e siguiente “ statement “

 

 

Kòrsou,02 Mart 2022

 

Despues di informashon risibí di FEBEKO direktiva di CSB a sinta ku su miembronan pa informá di e intenshon di Baseball femenino, E proseso a tuma su  tempu. Awor ku  CSB ta kla ku e proseso interno nos ta saka e siguiente “ statement “

 

CSB kumpliendo 70 aña di eksistensia dirigiendo sòftbòl organisá pa a

surgi, krese, stabilisá ku kampeonatonan lokal ku a kulminá ku

laurel nan internashonal tantu den e parti femenino komo maskulino

aktualmente tin mas ku un organisashon ta hasiendo esfuerso trahando

na base pa por sigui nutri e deporte.

Esaki poko poko krea for di abou e sòftbolistanan ku lo mester

forma e kuerpo di relevo pa e kontinuo desaroyo di e deporte.

Nos por a nota sinembargo òf ta konfrontando intentonan pa

direktamente rekluta sòftbolistanan ku sierto promesanan pa por lanta

algun ekipo di baseball femenino.

 

E práktika aki simplemente su úniko resultado riba término korto mes

lo ta perhudisial pa e hungadó en partikular i e deporte di sòftbòl mes en general. Nos

mester menshoná mes ora e “hype” momentario di e baseball femenino aki

pasa tur parti lo sali perhudiká.

 

Nos di CSB lo rekomendá pa meskos ku CSB su miembronan ta pasa den e trabou fuerte di kuminsá ku mucha for di 6 aña i forma nan pa tin fruta pa nan organisashon ora e hungadónan bira  grandi,  pa hasi meskos. Pasombra si bin resultá ku tur e trabou di años ta bai pèrdí e konsekuensia lo ta ku organisashon lo stòp di rekluta mucha for di chikí i e resultado lo ta funesto pa e deporte.

TA DJE DIFISIL EI PA E ESNAN TRAS DI E PROYEKTO AKI START FOR DI ABOU ?

 

Reklutando sòftbolistanan pa simultáneamente hunga sòftbòl fastpitch i baseball lo resultá den un situashon konfliktivo pa loke ta kalendario di wega lokal i tambe

asistensia na kompromisonan internashonal i no papia mes di potensial pa leshon.

Direktiva di CSB su tarea i obligashon ta di salbaguardiá e deporte di sòftbòl.

Permití sin mas ku ta “target” direktamente e sòftbolistanan bou di

CSB pa forma un liga paralelo simplemente no tin nòmber.

 

Ta di mas pa komprondé ku direktiva di CSB tin e obligashon pa

instituí sierto reglamentashon interno pa por mantené relevansia di e

deporte ku posibilidat pa krese i no LO KONTRALI.

 

Nos ta kere ku FDOK, komo organisashon madre di deporte na Kòrsou mester tuma nota di e desaroyo aki pa por pèrkurá pa deporte eksistente por perdura.

 

 

Direktiva di CSB

 

Edward Martis

This site uses Akismet to reduce spam. Learn how your comment data is processed.

%d bloggers like this: