Swim Club Orca Curaçao, den e disiplina di waterpolo kategoria U12 i U14 ku interkambio deportivo na Boneiru.

 

Willemstad, 07 di mart 2022

Swim Club Orca Curaçao, den e disiplina di waterpolo kategoria U12 i U14 ku interkambio deportivo na Boneiru.

Direktiva di Swim Club Orca Curaçao (Orca) por mira bèk, riba un fin di siman hopi fruktifero na Boneiru, pa e disiplina di waterpolo kategoria U12 i U14 mucha hòmber i mucha muhé meks. Djabièrnè 04 di mart 2022 un delegashon di 20 persona (atleta, dirigente i guia) a biaha pa Boneiru pa partisipá na un interkambio di Waterpolo, organisá pa e tim di landamentu i waterpolo Barracudas. Tur wega a kuminsá na ora i tur kos a kana bon! E wega nan a keda hunga na Sea Pool, dilanti di parke Tului.

Orca U12 a bai ku sinku atleta i a hunga meks ku atletanan di Barracudas di Boneiru, djabièrnè un wega, djasabra mainta dos wega, djasabra atardi dos wega i djadumingu mainta dos wega. Na tur U12 a hunga  7 wega den e fin di siman ku a pasa. Bon treinen sigur pa e atletanan di U12 di Kòrsou i Boneiru.

Orca U14 a perde su promé wega  kontra di Barracudas djabièrnè atardi 11 pa 9. Un partido fuerte hungá. Na di tres período e wega tabata empatá na 9. Pero despues Barracudas a sa di gana e wega.

Djasabra 05 di mart tabata dia pa weganan di treinen. A meks atletanan di Orca i Barracudas i traha 3 tim. E timnan a hunga kontra di otro. Parti mainta kada tim a huga kwater wega i atardi despues di pausa kada tim a hunga kwater wega atrobe. Bon treinen pa e atletanan di Orca i Barracudas. Ocho wega riba un dia ta un bon treinen sigur.

Djadumingu 06 di mart tabatin e di dos wega ofishal, Orca di Kòrsou kontra Barracudas di Boneiru. Barracudas a sali dilanti den e prome parti di e wega 3 pa 0. Den e di tres periodo e wega tabata 5 pa 1, e wega a bin kaba 7 pa 3 na fabor di Barracudas di Boneiru.

Ya ta 3 aña kaba ku e dos ekiponan aki no a interkambiá ku otro. Bo ta ripará klaramente ku e tim di Barracudas di Boneiru a bai dilanti i ku e nivel di waterpolo a krese na Boneiru, bon trabou di Barracudas. Orca di Kòrsou lo trein un poko mas duru pa den e fin di siman di 25 pa 27 di mart pa topa i trein ku e mesun timnan di Boneiru di U12 i U14 aki na Kòrsou!

Direktiva di Orca ta gradisí tur atleta pa nan komportashon i prestashon, mayornan ku a bai i ku no a bai, coachnan pa e gran trabou ku nan a desplegá promé i durante di e biahe i pa/na Boneiru i na e hefe di delegashon ku a hasi un tremendo trabou.

Direktiva ta hopi gradesido na boso tur!!!!

Atentamente,

­­­­­Vernon Toré
Presidente di Swim Club Orca Curaçao

This site uses Akismet to reduce spam. Learn how your comment data is processed.

%d bloggers like this: