Dutch Caribbean Nature Alliance, Pa medio di sosten di BirdLife Netherlands, ta tuma un Manager di Rekoudá Fondo temporalmente den servisio pa hisa e kapasidat di Rekoudashon di Fondo pa Konservashon di Biodiversidat den Karibe Hulandes.

 

Dutch Caribbean Nature Alliance, Pa medio di sosten di BirdLife Netherlands, ta tuma un Manager di Rekoudá Fondo temporalmente den servisio pa hisa e kapasidat di Rekoudashon di Fondo pa Konservashon di Biodiversidat den Karibe Hulandes.

Relashoná ku e kantidat resien di reto pa e Organisashonnan di Maneho di Áreanan Protehá di Karibe Hulandes, Dutch Caribbean Nature Alliance (DCNA) resientemente a tuma un Manager di Rekoudá Fondo profeshonal temporalmente den servisio. E parkenan ku ta karesé severamente di fondo kasimente no a sobrebibí e krísis di COVID, i pa krea mas kapasidat denter di DCNA ku su organisashonnan miembro, Maartje de Jonge a djòin e Tim di Sekretariado di DCNA komo Manager di Rekoudá Fondo, puesto ku BirdLife Conservation Netherlands generosamente ta supsidiá.

E Organisashonnan di Maneho di Áreanan Protehá di Karibe Hulandes tin un papel vital den diseñá, implementá i manehá esfuersonan di konservashon di naturalesa riba nan respektivo islanan. Pa motibu di COVID-19, e organisashonnan akí a eksperensiá tantu un kaida signifikante den nan entrada okashoná pa desaparishon di kontribushon di entrada di bishitantenan, pero tambe pa motibu di e aspekto di no tene konsiderashon ku nan, di parti di gobièrnunan lokal, nashonal i di reino tokante fondo struktural pa ehekushon di nan trabou di konservashon. Esaki a resultá den posibilidat real ku e Organisashonnan di Maneho di Áreanan Protehá mester a baha man ku òf para nan operashonnan.

Protekshon di áreanan natural i e ekosistemanan i habitatnan importante ta krusial pa e desaroyo ekonómiko duradero di e islanan, espesialmente konsiderando e impakto ekonómiko severo ku e pandemia tabatin riba e komunidatnan na e punto di riesgo mas haltu di e impaktonan di kambio di klima denter di Reino Hulandes..

E ret di konservashon di DCNA ta duna sosten na e Organisashonnan di Maneho di Áreanan Protehá riba tur seis isla di Karibe Hulandes: Aruba National Parks Foundation, STINAPA Boneiru, CARMABI Kòrsou STENAPA St. Eustatius, Saba Conservation Foundation i St. Maarten Nature Foundation. DCNA a logra suministrá fondo di emergensia pa medio di DCNA su Conservation Trust Fund na e parkenan pa sobrebibí e pandemia di COVID-19, pero esaki tabata solamente sufisiente pa duna sosten operashonal riba término kòrtiku. Pa por sigurá kapasidat struktural di rekoudashon di fondo, DCNA a krea un Komitiva di Rekoudá Fondo pa yuda sera e burakunan finansiero menshoná kaba. Sinembargo, tin e nesesidat di un empleado dediká, pa ehekutá i kordiná e aktividatnan ku e Komitiva di Rekoudá Fondo a deliniá. E parkenan ta rekirí fondo pa término largu i konsistente, pa sigurá ku nan lo por planeá i ehekutá strategianan importante pa añanan binidero.

Maartje de Jonge ta trese kuné ekspertisio riba tereno di edukashon, energia duradero, benta i introdukshon di un solushon tékniko duradero pa e islanan hulandes Waddeneilanden. Huntu ku DCNA su Komitiva di Rekoudá Fondo, de Jonge lo desaroyá plannan stratégiko pa krea fondo pa konservashon di naturalesa den Karibe Hulandes.

Share this page to Telegram

This site uses Akismet to reduce spam. Learn how your comment data is processed.

%d bloggers like this: